Aprelin 1-də Azərbaycan İpoteka Fonduna (AİF) məxsus 5 mln. manat həcmində istiqrazın yerləşdirilməsi üzrə hərrac nəzərdə tutulub. Qurumun saytındakı məlumata görə, aksiya doqquzuncu emissiya çərçivəsində keçirilir. Hərraca hər biri 1 min manat nominalında 5 min istiqraz çıxarılıb. İstiqrazlar 100,6500% qiymətinə çıxarılacaq.
AİF indiyədək 3 mln. manat yerləşdirib.
Xatırladaq ki, ötən il dekabrın 30-da Qiymətli Kağızlar üzrə Dövlət Komitəsi (QKDK) AİF-in 50 mln. manat məbləğində istiqrazının doqquzuncu emissiyasının prospektini qeydiyyata alıb. Emissiya hər biri 1 min manat nominalında 50 min təmin olunmuş istiqrazdan ibarətdir. İstiqrazların tədavül müddəti 3% illik dərəcə olmaqla 10 ildir.
2009-cu ildən 2015-ci ilədək AİF səkkiz emissiya çərçivəsində ümumi məbləği 340 mln. manatlıq istiqraz yerləşdirib.
2005-ci ilin dekabrında təsis edilmiş AİF növbəti martda ipoteka kreditlərinin verilməsinə başlayıb. Dövlət büdcəsindən maliyyələşdirilən sosial ipotekanın (maksimum məbləğ 50 min manat təşkil edir, illik dərəcə 4%-dən çox deyil) verilməsinə 2007-ci ilin yanvarında başlanılıb və 6 ay davam edib.
Kommersiya şərtlərilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 50 min manatdan çox olmamalıdır. Kredit illik dərəcə 8%-dən çox olmayaraq verilir.--17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz