AİF öz standartı ilə bank kreditləşməsinə marağı gücləndirir

Bakı Fond Birjasında Azərbaycan İpoteka Fondunun (AİF) 5 mln manat həcmində istiqrazlarının yerləşdirilməsi üzrə bu il son hərrac olub.

Birjanın məlumatına görə, on illik kağızlar satışa 100,2833% qiymətlə qoyulub. Təqdim edilən həcmin hamısı yerləşdirilib.

Fondun 40 mln manatlıq adlı faizli sənədsiz, təminatlı istiqrazlarının emissiya prospekti Qiymətli Kağızlar üzrə Dövlət Komitəsi tərəfindən 2014-cü il yanvarın sonunda qeydiyyata alınıb. İstiqrazların nominal qiyməti 1 000 manat, faiz dərəcəsi illik 3%, silinmə tarixi 21 dekabr 2023-cü ildir. Bu günə bu emissiyanın hdörddə biri yerləşdirilib.

Mərkəzləşdirilmiş ipoteka kreditləşməsi 2006-cı ilin martında başlayıb. 2007-ci ilin iyununda dayandırılıb, 2009-cu ildə yenə bərpa edilib. Bundan sonra dövlət təkcə sosial ipotekaya yardım edir. Bunun üçün 2013-cü ildə 40 mln büdcə vəsaiti ayrılıb. Bu il də maliyyələşmə o qədər olacaq.

Kommersiya ipotekası AİF istiqrazlarının buraxılışı hesabına maliyyələşir. 2009-2013-ci illərdə Fond 55 mln və 75 mln, 60 mln və 20 mln və 30 mln manat, 40 mln manat və 20 mln manat olan 7 emissiya yerləşdirib.  İpoteka kreditləri Azərbaycan vətəndaşlarına, 50 min manata qədər, 25 ilədək müddətə, illik 8%-dən çox olmamaqla verilir.
Güzəştli kreditlər 50 min manatadək, 30 ilə qədər müddətə, illik 4%-dək dərəcə ilə verilir. --15В--