Akkord korporasiyası öz keçmiş rəhbəri və əsas səhmdarının Bakıya gəlməsinə aydınlıq gətirib

 “Akkord Inşaat Sənaye” Korporasiyanın baş direktoru Xaqani Quluzadənin işdən çıxması ilə bağlı Direktorlar Şurasının ümumi yığıncağı onun vəzifələrinin icrasını Göksel Aybekə həvalə edib. 

Korporasiyanın məlumatında deyilir ki, Göksel Aybek Türkiyənin Erciyez Universitetinin Mühəndislik Fakültəsini “makina mühəndisliyi” ixtisası üzrə bitirib. 2012-ci ildə “Akkord” Korporasiyasında əmək fəaliyyətinə başlayana qədər 36 il ərzində Türkiyənin bir sira iri şirkətlərində üç şirkətdə çalışıb. 

Sədrin dəyişməsi ilə bağlı lorporasiyanın keçmiş rəhbəri İlqar Hacıyev Bakıya gəlib. Korporasiya bildirir ki, səhmdarlardan bir olan İlqar Hacıyev 2010-cu ildən “Akkord”un ölkə xaricində icra etdiyi layihələrə nəzarət edir.

Korporasiya 2010-cu ilin avqustunda iki şirkətin - «Akkord İnşaat Sənaye» və “Yeni İnsaat Konsaltinqi”nin birləşməsi nəticəsində yaranıb. 2012-ci ilin yanvarında “Akkord Sənaye Tikinti İnvestisiya Korporasiyası” ASC nizamnamə kapitalını 3,5 dəfə - 84 mln 1,785 min manatadək artırıb. İlqar Hacıyev «Akkord İnşaat Sənaye» ASC-nin yeganə səhmdarı olub. ASC 2008-ci ildə təşkilati-hüquqi formasını dəyişən eyniadlı MMC-nin varisidir (2004-cü ildə yaradılıb). 2008-ci ildə «Akkord İnşaat Sənaye»nin nizamnamə kapitalı 10,5 mln manatı keçib. 

“Akkord” korporasiyası Azərbaycanın aparıcı sənaye-tikinti şirkətlərindən biridir. Korporasiya 2012-ci il üçün hesabatını açıqlamayıb. Amma məlumdur ki, onun ölkə daxilində və xaricdəki dövriyyəsi yüz milyonlarla manatdır. Səhmdarların strukturu açıqlanmır..--08D—