Almaniyanın yeni rekordu: sutkada enerjinin 50,6%-i Günəş batareyalarından alınıb

Almaniya Günəş batareyalarından sutkalıq enerji alınması rekordunu yeniləyib. 9 iyun 2014-cü ildə enerji şəbəkəsinə 23,1 GVt/s bu növ enerji daxil olub. Bu, sutkalıq tələbatın 50,6%-dir, deyə Günəş Enerjisi İnstitutu (Fraunhofer ISE) bildirir.

Almaniya əvvəllər nüvə elektrik enerjisi üzrə (140 TVt/s ) liderlərdən biri idi. Fukusima qəzasından sonra AES-lərdən imtinaya qərar verildi. 8 stansiya dayandırıldı, qalanları 2022-ci ilə kimi bağlanacaq.

Hazırda Almaniya bərpa olunan enerji üzrə liderdir. Ölkədəki Günəş elektrik stansiyalarının sayı dünyanın qalan hissəsindəki qədərdir. Müqayisə üçün, ABŞ-da enerjinin 0,2%-i Günəş batareyalarından alınır.

Almaniyada Günəş panellərinin 90%-i evlərin damındadır. Onları kiçik kəndlərdə, fermalarda, zavodlarda və s. qururlar. Hətta evlər elə layihələnir ki, dam Günəşə baxsın.

Almaniyanın nümunəsi göstərir ki, bərpa olunan enerji mənbələri ehtiyacın böyük hissəsini ödəyə bilər. Günəş enerjisinin yığılması mövsümi xarakter daşıyır, amma külək qurğuları ilə uyğunlaşır. Təəssüf ki, Günəş enerjisi bumunun mənfi cəhətləri də var: Avropada ən bahalı enerji bu ölkədədir. 7 mln ev təsərrüfatı gəlirinin 10%-i enerjiyə xərcləyir. Ekspertlər bunu “enerji yoxsulluğu” adlandırır, deyə greenevolution.ru məlumat verir. –0--