AMB 2014-cü ildə ödəniş qabiliyyəti və istehlak kreditləşməsi arasında balansı qorumaq üçün yeni tənzimləyici tələblər müəyyn edəcək

Mərkəzi Bank hökumətlə birgə çalışacaq ki, inflyasiya birrəqəmli olsun. Azərbaycan Mərkəzi Bankının gələn il üçün pul siyasəti və maliyyə sabitliyi barədə məlumatında belə deyilir. 

Mərkəzi Bank 2014-cü il daxil olmaqla orta müddətli dövrdə çevik pul və məzənnə siyasəti yürüdəcək, siyasət çərçivəsinin, o cümlədən məzənnə rejiminin təkmilləşdirilməsini diqqət mərkəzində saxlayacaq. 2014-cü ildə qiymət sabitliyinin qorunmasına dəstək vermək üçün Mərkəzi Bank sərəncamında olan alətlərdən istifadə edərək zəruri antiinflyasiya tədbirlərini həyata keçirəcək. 

Sənəddə deyilir ki, 2014-cü ildə AMB-nin məzənnə siyasəti pul siyasətini iqtisadi artım və qiymət sabitliyi arasında effektiv şəkildə tarazlaşdırmağa çalışacaq, habelə maliyyə sektorunun hərarətini də tənzimləyəcək. 

Gələn il AMB bankların kredit portfelini qorumaq üçün tədbirlər görəcək. AMB 2014-cü ildə ödəniş qabiliyyəti və istehlak kreditləşməsi arasında balansı qorumaq üçün yeni tənzimləyici tələblər müəyyn edəcək  borcun gəlirə nisbəti əmsalı tətbiq ediləcək, bu əmsal üzrə maksimal hədd müəyyən ediləcək. Əhalinin maliyyə savadının artırılması üçün 2014-cü ildə AMB kütləvi internet resurs açacaq. 

Ümumən pul-məzənnə siyasəti məzənnənin sabit saxlanması, inflyasiyanın aşağı səviyyəsi və maliyyə sabitliyinin təmin edilməsinə yönəldiləcək.—15D--