Keçmiş nazir: Baş nazir Erdoğanın da istefası zəruridir

Türkiyənin ekologiya və şəhərsalma naziri Erdoğan Bayraktar baş nazir Erdoğana ittiham olan müraciətlə vəzifəsindən istefa verib. Bu xəbəri Türkiyənin “haber.com” internet saytı yayıb.

“Bu millət və bu vətənin rahatlığı üçün baş nazir R.Erdoğanın istefa verməsinin vacibliyinə inanıram”, - deyə E.Bayraktar NTV telekanalındakı canlı yayımda bildirib. Nazir vəzifəsindən istefa verməsini də canlı yayımda açıqlayıb. 

Ə.Bayraktar 17 dekabr korrupsiya və rüşvət əməliyyatı ilə bağlı istər özünün, istərsə də saxlanılan və sonra sərbəst buraxılan oğlunun cavab verə bilməyəcəyi heç bir məsələ olmadığını deyib. “Rüşvət və korrupsiya ifadələrinin yer aldığı bir əməliyyat səbəbilə “istefa verin və məni rahatladan bəyannamə ilə çıxış edin” şəklində basqı olunmasını qəbul etmirəm”, - deyə istefasına münasibət ifadə edib.

E.Bayraktar partiya rəhbərliyinin təlimatına baxmayaraq, bəyanat verməməsinə “indiki durumda bu işin səhv olduğunu düşünürəm” cavabı verib. 

Onun sözlərinə görə, araşdırma materiallarında və şəhərsalma ilə bağlı hazırda əldə olan planların çoxu R.Erdoğaını təlimatı ilə hazırlanıb. “Bu hadisə ilə bağlı nazirlikdən və millət vəkilliyindən istefa etdiyimi açqılayıram. Həm də millət və vətənin rahat olması üçün baş nazir Erdoağnın istefa verməsinin vacibliyinə inandığımı ifadə edirəm”, deyə keçmiş nazir mövqeyini ifadə edib. -05D-