AMB etibarlı sığortaçı seçir

“Azərbaycan Mərkəzi Bankına bankın əsas vəsaitlərinin (əmlakının), nağd pul və nəqliyyat vasitələrinin sığortalanması üçün yaxşı sığorta şirkəti lazımdır. AMB bu gün belə elan verib.

Tender şərtlərinə əsasən, bu sığorta növləri üzrə xidmət göstərmək üçün lisenziyası olan sığorta şirkətləri tenderdə iştirak edə bilərlər.

Bundan başqa, tender iştirakçıları son il ərzində maliyyə vəziyyətinə dair bank arayışı, ötən ilin və bu ilin I rübü üçün maliyyə hesabatını təqdim etməlidirlər. Bununla yanaşı, tenderdə iştirak edən sığorta şirkətləri ən azı 5 mln manat məbləğində kapitala malik olmalıdırlar.

Bankirlər qiymət, təklif edilmiş paket üzrə sığorta şərtləri, franşizanın həcmi, təkrarsığorta şirkətlərinin reytinqini qiymətləndirəcək.

Tender üzrə təkliflər avqustun 6-na qədər qəbul ediləcək, avqustun 7-də isə qiymətləndiriləcək. Tenderdə iştirak etmək üçün dövlət rüsumu 200 manat təşkil edir.

AMB-yə əmlak və nağd pullarının sığortalanması üzrə xidmətlər 2015-ci il noyabrın 1-dən etibarən təqdim edilməli və 12 ay üçün nəzərdə tutulmalıdır. Nəqliyyat vasitələri sahiblərinin mülki məsuliyyətinin icbari sığortası üzrə xidmətlər 2016-cı il yanvarın 25-dən etibarən 12 ay ərzində göstərilməlidir.

AMB adətən, bir sığortaçı ilə kifayətlənmir. Bankın əsas vəsaitlərin sığortalanması üzrə “AzSığorta”, nağd pulların sığortalanması üzrə “PAŞA Sığorta”, avtomobillərin sığortalanması üzrə “Azərbaycan Sənaye Sığorta” şirkətləri xidmət göstərir.  --17D—