Bakcell arzuolunmaz reklam SMS-lərinin qarşısını alır

“Bakcell” şirkəti reklamçılar tərəfindən öz müştərilərinə göndərilən kütləvi SMS-lərin idarə edilməsinə imkan yaradan yeni platformanı müştərilərinin istifadəsinə buraxıb.

Şirkətin məlumatında deyilir ki, müştərilər istədikləri mağazaların, şirkətlərin, bankların və ya müvafiq hesab etdikləri hər hansı digər hesabların adları yazılmış fərdi “ağ siyahı”larını yaradaraq, yalnız arzu etdikləri reklam mesajlarını qəbul edə biləcəklər.

“5595” qısa nömrəsinə “STOP” yazısını göndərməklə, müştərilər üçüncü tərəflərin göndərdiyi bütün reklam mesajlarının qəbulunu birdəfəlik dayandıracaqlar. Eyni zamanda, etibar etdikləri mənbələrdən SMS-lər almaq üçün müştərilər müəyyən mağazanın, bankın və s. adını yenidən “5595” qısa nömrəsinə göndərməli olacaqlar.

"Kütləvi SMS-lərlə bağlı şikayətlərin əksəriyyəti reklamçıların göndərdikləri mesajlara aiddir. Müştərilər mağazalarda bazarlıq edərkən və ya bankların, digər müəssisələrin xidmətlərindən istifadə etdikləri zaman çox vaxt öz telefon nömrələrini təqdim edirlər. Müştərilərimizi məmnun etmək üçün biz onlara arzuolunmaz mətn mesajlarını filtrdən keçirməyə imkan yaradan yeni platformanı işə salmışıq. Yeni sistemin ən gözəl xüsusiyyətlərindən biri də odur ki, o, müştərilərə seçim imkanı yaradır və onlar hansı mesajları qəbul edib-etməməyi özləri seçirlər. Bizim təqdim etdiyimiz yeni xidmət “Bakcell” şirkətinin öz müştəriləri üçün ən yaxşı təcrübənin təmin edilməsi istiqamətində göstərdiyi səylərin daha bir sübutudur”, deyə məlumatda bildirilir. 

“Bakcell” öz müştərilərini yeni işə salınmış platformadan istifadə etməyə çağırır.--17- -