Mərkəzi Bankın rüblük hesabatına görə, aprelin 1-i üçün vaxtı keçmiş kreditlərin həcmi 1 mlrd 326,5 mln manat (ilin əvvəlinə nisbətən +9,33% və ya 113,2 mln) olub, kredit portfelində onun xüsusi çəkisi 0,2 artaraq 6,74% təşkil edib.
Manatla vaxtı keçmiş kreditlər 691,5 mln manat (52,13%), xarici valyuta ilə 635 mln. manat və ya 47,87% olub.
Aprelin 1-i üçün bank və BOKT-nın kredit qoyuluşları 19 mlrd 687 mln manat (mənfi 9,4%) olub. Bunun 34,5%-i və ya 6 mlrd 796,8 mln manat dövlət aktivli bankların payına düşür. Onların payı 6,8% azalıb. Qalan 12 mlrd 294,7 mln manat özəl bankların (mənfi 11,4%), 3% BOKT-ların payına düşür.
Manatla kredit portfeli 51% (+0,4%) və ya 10 mlrd 29,7 mln. manatdır.
Portfeldə ev təsərrüfatlarının payı 40,6%-dən 38,5%-ə düşüb (7 mlrd 583,2 mln manat). İkinci yerdə (15,5%) tikinti və daşınmaz əmlak – 3 mlrd 54,8 mln manat, ardınca ticarət və xidmət (14,2% və ya 2 mlrd 800,5 mln manat) gəlir. Nəqliyyat və rabitəyə 1 mlrd 513,4 mln manat (7,7%), sənaye və istehsala 1 mlrd 369,1 mln manat (7%) kredit verilib.
Energetika, kimya sənayesi və təbii ehtiyatlar üzrə bank kreditləşməsi cəmi 298,2 mln manat (1,5%) olub. Aqrar sənayeyə 432,9 mln manat (2,2%) bank krediti verilib. --17D—
İqtisadiyyat
-
Azərbaycan Prezidenti İlham Əliyev cümə axşamı Bakıda kommunal xidmətlər üçün nəzərdə tutulmuş xüsusi təyinatlı nəqliyyat vasitələri ilə tanış olub. Bu addım şəhər infrastrukturunun modernləşdirilməsi və ətraf mühitin dayanıqlılığının artırılması istiqamətində görülən tədbirlər çərçivəsində atılıb.
-
Azərbaycan Milli Depozit Mərkəzi (MDM) 2024-2026-cı illər üzrə maliyyə bazarlarının inkişafı üçün etimadın artırılması, bazara çıxış imkanlarının genişləndirilməsi və investisiya alətlərinin çeşidinin artırılmasına yönəlmiş strateji hədəflər və rəqəmsal yenilikləri elan edib.
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
Rəy yaz