Azərbaycanda Amerika Ticarət Palatası (AmCham) Maliyyə Bazarlarına Nəzarət Palatasına Bazel II bank standartına keçmək imkanına baxmağı tövsiyə edir.
Turan-ın məlumatına görə, bu barədə AmCham Azərbaycan hökumətinə tövsiyəsində deyilir.
Maliyyə sektoruna aid blokda AmCham Bazel II bank standartına əsaslanaraq MBNP-yə minimal kapital tələbini dəyişməyi, proses və risklər üçün yeni minimal standart tətbiq etməyi, bankların hesabatlarının açıqlamasında risklər barədə daha çox şəffaflıq tövsiyə edir.
AmCham qeyd edir ki, bank və maliyyə sektoru ölkədə inkişaf etmiş sektorlardandır. İqtisadiyyat çətinliklə üzləşəndə dövlət yardımı davam etməlidir. Daha sabit bank sektoru sosial və iqtisadi vəziyyətə müsbət təsir edər.
AmCham hesab edir ki, Bazel II banklara kəskin iqtisadi böhran zamanı, likvidlik və kapitalın idarə edilməsinin düzgün qaydalarını hazırlamaqda kömək edər.
AmCham həmçinin «Kredit büroları haqqında» qanunun qəbul edilməsini istəyir. Bu, istehlakçıların marağını qoruyar, maliyyə strukturlarının risklərini azaldar. 71D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz