AmCham hökumətin vergi sahəsində aparcağı islahatlar alqışlayır

Azərbaycanda Amerika Ticarət Palatası (“AmCham”) Azərbaycan Respublikası Prezidenti İlham Əliyevin 4 avqust 2016-cı il tarixli  imzaladığı “2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” sərəncamını alqışlayır.

 «Sevindiricidir ki, Palatamız tərəfindən hökumətə vergi inzibatçılığının təkmilləşdirilməsi və ölkədə biznes mühitinin yaxşılaşdırılmasına dair cari ilin əvvəlində təqdim edilən təkliflərin əksəriyyətisözügedənsərəncamda öz əksini tapıb”, deyə Azərbaycanda “AmCham”ın icraçı direktoru Natəvan Məmmədova bildirib.

“AmCham” və Palataya üzv şirkətlər ölkə hökumətinin 2016-cı ildə apardığı islahatlardan ilhamlanaraq sözügedən sərəncamda nəzərdə tutulan tapşırıqların icrası üçün malik olduğu bütün bilik və təcrübələrini təmin edərək əməkdaşlığa hazır olduğunu bildirir, deyə Palatanın press-relizində qeyd edilib.

Xatırladaq ki, deyilən sərəncam vergi inzibatçılığı prosedurlarının yüngülləşdirilməsi və vergi yükünün azaldılmasınə nəzərdə tutur. Bundan başqa, “vergi öhdəliklərinin hüquqi nəticələr doğurmazdan əvvəl vergi orqanları ilə razılaşdırılması” (“Advance tax ruling”) qaydasının müəyyən edilməsi, kameral vergi yoxlamalarının vergi bəyannamələri təqdim edildikdən sonra növbəti 30 gün müddətində həyata keçirilməsi və bu müddət başa çatdıqda həmin vergi öhdəliklərinin hüquqi bəyannamələr üzrə kameral vergi yoxlamalarının qadağan olunması, “Könüllü vergi açıqlaması” (“Voluntary tax disclosure”) sisteminin tətbiqi və təşviqi mexanizminin hazırlanması, Azərbaycan Respublikası ilə digər dövlətlər arasında ikiqat vergitutmanın aradan qaldırılmasına dair beynəlxalq sazişlərin inzibatçılığı qaydalarının sadələşdirilməsi nəzərdə tutulur. AmCham ekspertlərinin fikrincə, bu müddəalar olduqca vacibdir və ölkədə biznes mühitinin daha da yaxşılaşmasına xidmət edəcək.

Azərbaycanda “AmCham” üzv şirkətlərin biznes maraqlarının inkişaf etdirilməsi, onlara lazımi xidmətlərin göstərilməsi və Azərbaycanda biznes mühitinin yaxşılaşması məqsədi ilə 1996-cı ildən etibarən fəaliyyət göstərir. 08D