Aprel ayinda inşaat materiallarinin qiyməti 1,1% artib
İnşaat materialları bazarında aparılmış monitorinqin nəticələrinə görə, aprel ayında qiymətlər orta hesabla-1,1% artıb. Aparılan araşdırmalar zamanı məlum olub ki, mövsümlə əlaqədar olaraq bazarda nisbi canlanma müşahidə edilmişdir. Son bir ayda qiyməti qalxan inşaat materiallarına armatur-1,2%, daş və daş əsaslı hörgü materialları-2,7%, dam örtükləri-1,3%, taxta-2%, ağac əsaslı lövhələr-1,1%, emusiya və boyalar-2,8%, kafel-metlax-8%, divar kağızı -4%, alçipan isə-2,4% aid etmək olar. Qiymət azalması isə yalnız idxal olunan dəmir məhsullarında 0,5% müşahidə edilmişdir. Mütəxəssislərin hesablamalarına görə qiymət dəyişikliyi ötən rübün müvafiq dövrünə nisbətdə 2,6% artım, ötən ilin müvafiq dövrü ilə müqayisədə isə 1,8% azalma ilə müşahidə edilib. Aprel ayı ərzində yerli istehsalın bazardakı payı-52% dən bir qədər çox olmuşdur.
Ekspertlər Aprel ayında qiymətlərin bahalaşmasını əsasən mövsümlə əlaqədar olaraq tikinti sektorunda aktivliyin artması və eləcədə Rusiya və Türkiyədən idxal olunan məhsulların nisbi bahalaşması ilə əlaqələndirirlər. Mövsümi amillərlə yanaşı, qiymət artımına paytaxt və regionlarda baş verən tikinti-quruculuq prosesinin sürətli mərhələyə qədəm qoyması, bir çox tikinti şirkətlərində işlərinin aktivləşməsidə səbəb kimi qeyd edilir. Mütəxəssislər İnşaat Materialları Bazarında inhisarçılıq və süni qiymət artımı kimi mühüm problemlərin hələdə qaldığını və bu amillərin bazardakı aktivləşməyə ciddi əngəllər törətdiyini vurğulayırlar. Mövsümlə əlaqədar olaraq bazardakı aktivliyin artacağı, qiymətlərdə isə bahalaşmanın müşahidə ediləcəyi proqnozlaşdırılır.
-
- Bazarların icmalı
- 17 May 2013 13:13
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz