![Aprel ayinda təkrar mənzil bazarinda nisbi aktivlik müşahidə edilmişdir](https://turan.az/resized/750/500/resize/media/2013/main/051400036040.jpg)
Aprel ayinda təkrar mənzil bazarinda nisbi aktivlik müşahidə edilmişdir
Aprel ayında paytaxtın və eləcədə respublikanın digər şəhərlərinin Təkrar Mənzil Bazarında (TMB) nisbi aktivlik müşahidə edilsədə, ay ərzində qiymətlər dəyişməz olaraq qalmışdır. Əmlak Bazarı İştirakçıları ictimai birliyinin hesablamalarına görə hal-hazırda mənzillərin orta qiymət indeksi təxminən 1 kv/m üçün-1200 ABŞ dolları civarında qərarlaşıb, orta qiymətdən aşağı olan mənzillər isə ümimi portfeldə 50% dən daha çox paya malikdir. Mütəxəssislərin hesablamalarına görə, ay ərzində satışa çıxarılan mənzillərin orta qiyməti-112,9 min ABŞ dolları təşkil edib. Yasamal, Nəsimi, Nərimanоv və Xətai rayоnlarının təklif pоrtfеlindəki payı ötən aylarda olduğu kimi mütləq çохluq təşkil еdib və onların ümumi payı 75%-dən daha yuxarı olmuşdur. Aprel ayında da 3, 4 və 5 оtaqlı mənzillərin sayında azalma qеydə alınmamışdır, 1 və 2 оtaqlı mənzillərin təklif üzrə payında isə artım müşahidə оlunub.
Ekspertlər aprel ayında TMB-da nisbi aktivliyin artmasını əsasən İpoteka Kreditlərinin verilməsi və eləcədə evləri sökülmüş əhaliyə yeni evlər almaq üçün kompensasiyaların verilməsi ilə əlaqələndirirlər. Eyni zamanda TMB-da qiymətlərin hələdə normadan baha olması, maklerlərin qiymətlərə süni təsir imkanları, mənzil almaq üçün dövlət tərəfindən dəstəklənən sosial proqramlarının olmaması, ipoteka və digər kredit vasitələri ilə ev almaq şərtləriinin ağır olması kimi səbəblər, TMB-da aktivliyin artmasına mənfi təsir göstərən əsas səbəblər kimi göstərilir. Yaxın günlərdə bazarda sabitliyin müşahidə ediləcəyi, qiymətlərin isə əsasən sabit və bahalaşmağa meyilli olacağı proqnozlaşdırılır.
-
- İqtisadiyyat
- 14 May 2013 13:09
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz