Neft-qaz sahəsində əməkdaşlığın daha da genişləndirilməsi məqsədi ilə bu ilin aprelində Britaniyanın neft-qaz maşınqayırması sahəsində fəaliyyət göstərən şirkətlərinin Azərbaycana səfəri planlaşdırılır. Bu barədə Turan-a İqtisadiyyat Nazirliyində məlumat veriblər.
2015-ci ilin oktyabrında Bakıda Azərbaycan-Böyük Britaniya əməkdaşlıq forumu keçirilib. Forumda növbəti tədbirin neft-qaz maşınqayırması sahəsində əlaqələrin inkişafına həsr edilməsi qərara alınıb. Britaniya şirkətlərinin səfərinin təşkili ilə Britaniyanın Ticarət və İnvestisiya Departamenti məşğul olacaq.
Sovet dövründə Bakıda əsasən ixrac təyinatlı neft-qaz avadanlığı istehsal edən çoxlu müəssisələr olub. İndi bu müəssisələrin potensialından minimum istifadə edilir. Neft sənayesi üçün maşın və avadanlığın əsas hissəsi xaricdən alınır və milyardlarla ABŞ dollarına başa gəlir. 08D
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz