Aptek şəbəkəsi genişlənir

2012-ci ildə Səhiyyə Nazirliyi 151 aptek təşkilatının fəaliyyətinə xüsusi razılıq verib. Amma bu, ötən il yaradılan apteklərin az bir hissəsidir. Çünki aptek müəssisəsi bu lisenziya ilə bir neçə dərman istehsalı və satışı obyekti aça bilər. Ekspertlər qeyd edir ki, aptek fəaliyyətinin inkişafına mane olan çoxlu nöqsanlar var və bu sahədə aparıcı şirkətlər bundan istifadə edir. 

Səhiyyə Nazirliyinin mətbuat xidmətində Turan-a bildiriblər ki, 1 yanvar 2013-cü il üçün  aptek fəaliyyəti ilə məşğul olmaq üçün 876 sahibkarlıq subyektinin lisenziyası var. Bunun 521-i Bakıdadır. Səhiyyə Nazirliyinin strukturunda isə 900-dən çox aptek var. 

2012-ci ildə SN Dərman Vasitələrinin Analitik Ekspertiza Mərkəzi 368 aptekdə yoxlama keçirib. Xüsusi razılıq (lisenziya) olmadan əczaçılıq fəaliyyəti ilə məşğul olan 12 aptek aşkarlanaraq fəaliyyətləri dayandırılıb. 

Aptek fəaliyyəti ilə məşğul olan sahibkarlar bildirir ki, bu sahədə inhisarçılıq var və lisenziya almaq çətindir. «Lisenziya alınması mürəkkəbləşdirilib, tələb edilən məbləğ dövlət rüsumundan xeyli çoxdur. Aptek açmaq istəyənləri mövcud şirkətlərə yönəldirlər, onlar isə lisenziyanın əvəzinə onların qaydaları ilə işləməyi tələb edirlər», deyə sahibkarlardan biri bildirib. 

Azərbaycanda dərman biznesinin aparıcı oyunçusu “AvroMed” şirkətidir. O, 900 dövlət aptekinə xidmət edir, özünün 1420 apteki var. Ardınca “Riyad Farma”, “Zəfəran”, “Asfarma” və s. gəlir. 08B