Sığorta şirkətlərinin reyestri genişlənib

Xarici sığorta, təkrarsığorta və broker şirkətlərinin siyahısı növbəti dəfə bir sıra oyunçularla genişlənib. 

 Dövlət Sığorta Nəzarəti Xidmətinin məlumatına görə, ötən rüb xarici sığorta şirkətlərinin siyahısına daha şirkət daxil edilib. 

Bunlar Samsung Fire & Marine Insurance Company Ltd. (Cənubi Koreya), British Steamship Protection & Indemnity Association (Bermuda) Limited (Bermud adaları), "Аktiv" (Rusiya) və AVIVA Sigorta A. S-dir (Türkiyə). Beləliklə, reyestrdəki sığorta şirkətlərinin sayı 85-ə çatıb.  

Xarici təkrarsığorta şirkətlərinin siyahısına “Rosles Re” (RF) və Partner Reinsurance Europe plc” (İrlandiya) daxil edilib və reyestrdəki təkrarsığorta şirkətlərinin sayı 37-yə çatıb. 

Bundan başqa, broker şirkətlərinin siyahısına Rimac Insurance Services Limited (Cənubi Koreya), Lancaster Insurance Services Limited (Britaniya adaları), Crispin Speers & Partners Ltd. (Böyük Britaniya), "Skala sığorta brokeri" (Rusiya) və Eurus Re brokers s. r. o. (Çexiya) daxil edilib. Broker üzrə xarici oyunçu sayı 61-dir. 

“Sığorta fəaliyyəti haqqında” qanuna əsasən, xarici sığorta, təkrarsığorta və broker şirkətlərinin siyahısına yüksək reytinqli srukturlar daxil edilməlidir. 

Həmin qanuna əsasən, reyestr operativ şəkildə yenilənməlidir ki, şirkət Azərbaycanın maliyyə bazarında iştiraka başlasın. 

Amma bir qayda olaraq, reyestrin yenilənməsi aylarla uzanır. Dövlət Sığorta Nəzarəti Xidmətinin Reyestri “Sığorta fəaliyyəti haqqında” qanuna əsasən yaradılıb. --17D—