(İntiqam Əlieyevə ithaf olunur)
Sən hər gün, hər ay, hər il (artıq ikinci onillikdir) hüquqi özbaşınalığa, Əliyev rejiminin cinayətlərinə qarşı çıxırsan.
Cəmiyyətin əksər hissəsi səbri tükənəndə etiraz edən, cinayətkar hakimiyyətin mülkiyyətini yandıran, qalan vaxtı isə məyus duruma düşən, repressiv rejimin qarşısında qorxu içində olan, bayağı TV-dən beyni zəhərlənən və praktiki olaraq ölkədə baş verənlər barədə obyektiv informasiyadan məhrum olan cəmiyyətdir. Cəmiyyətin müəyyən hissəsini isə rejimin ağır cinayətlərə (orduda, həbsdə işgəncələr, qətllər) bulaşmış nökərləri – hakimlərin və digər hakimiyyət nümayəndələrinin cinayətkar əməllərini ört-basdır edən DİN, MTN, ƏN, MN əməkdaşları təşkil edir. Və yalnız cüzi bir hissə (Hikmət Hacızadənin hesab etdiyi kimi, bir neçə min dissidentdən çox olmayaraq) işğalçı rejimin kriminal hakimiyyətinə qarşı çıxır. Kimlərsə tab gətirə bilmir, kiminsə öz baxışları var, lakin ön cəbhədə dayananların sırası azalmır. Azərbaycanda hər şey göz önündədir və hamıya məlumdur. Qanunçuluğu və hüququ, soydaşlarımızın xanlıqlardakı (Azərbaycanı böldükləri kimi) təhkimli kəndli kimi deyil, azad insan kimi yaşamaq hüququnu dəyanətlə müdafiə edənlər də yaxşı tanınır.
Mən İntiqamla 1994-cü ildə tanış olmuşam. Rəsul Quliyev mənim ANS telekanalında naxçıvanlılar haqqında söylədiyim lətifəyə baxdıqdan sonra prokurorluqda mənim barəmdə iddia qaldırdığı vaxt o, mənim vəkilim olub.
O zaman İntiqam ilk dəfə olaraq, yumşaq desək, mənim sərt xarakterim ilə üzləşməli oldu. Onun göstərdiyi təmkini və nəzakəti heç zaman unutmaram. Təxminən 20 il keçib. Və bu gün də çətin vəziyyətdə ona zəng edərək deyirəm: “bütün istiqamətlərdən bizə hücum edirlər: tanklar, piyada, artilleriya atəşi...Mənə dəstək lazımdır, qoru bizi, ehtiyat lazımdır...”. 20 ildə mənim düşüncə tərzimə adət etmiş İntiqam mənim döyüş əməliyyatı planım ilə ya razılaşır, ya da oda düzəliş edir.
Məhz İntiqam kimi adamların rejimə qarşı mübarizə aparması Azərbaycanda azadlıq adacığını və təmiz havanı saxlayır, gəncləri meylləndirir, müqavimət sıralarını artırır.
Diktatorlar yaddaşlarda amansız, rəhimsiz, tamahkar kimi qalırlar.
Onlara qarşı çıxan İnsanlar (böyük hərflə) mənən güclü olanlar tarixin məğlubedilməz yaradıcılarıdır.
Mən İntiqamı yaxşı tanıyram, bu səpkidə sözləri xoşlamaz. O, çox sadə, təvazökar insandır. Qarşıda uzun və ağır yol var. Kriminal rejimin sonu necə olacaq, bəllidir. Bəs Azərbaycanın gələcəyi necə olacaq? Cəmiyyəti hansı sarsıntılar gözləyir? Qarşıdakı döyüşlərdə hansı itkiləri verəcəyik? Odur ki, əminəm: bütün həyatı ilə Azərbaycanın gələcəyinə ümid bəxş edənlərin haqqını bu gün verməliyik.
Çox yaşa, İntiqam! Sən yalnız 2012-ci ilin hüquqşünası deyilsən, həm də həyatın boyunca haqq işi uğrunda mübarizə aparırsan.
Leyla Yunus
-
- Cəmiyyət
- 22 Fevral 2013 11:52
-
- İqtisadiyyat
- 22 Fevral 2013 12:35
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz