Aqrar Naxçıvanda kənd təsərrüfatı yox vəziyyətindədir

2014-cü ilin I rübündə Naxçıvan MR-nın sosial-iqtisadi inkişafı barədə hesabat (http://www.statistika.nmr.az/x_news/news/2014.1rub.pdf) açıqlanıb.

Yerli Dövlətstatkoma görə, 435 min 820 sakinin hərəsinə 991,4 manat və ya $ 1 min 263,9 ÜDM düşür. Muxtariyyatda neft sektoru yoxdur. Azərbaycanda qeyri-neft sektorunda ÜDM  758,7 manatdır.
Kənd təsərrüfatı təmayüllü muxtariyyatda aqrar sənaye kompleksinin xüsusi çəkisi 5,19%-dir. Ekspertlərin fikrincə, bu, ev təsərrüfatlarına dövlət dəstəyinin olmadığını göstərir. Həm də kişi əhalinin çoxu Bakı, Türkiyə, İran, RF-də qazanmağa gedib.

ÜDM-də sənaye 33,8%-lə birincidir. Emal sənayesində (2013-cü il) özəl sektorda 9 min 898, dövlət sektorunda  139 nəfər çalışır. Elektrik enerjisi, qaz, buxar istehsalında 1667 nəfər, kommunal təsərrüfatda 1187 nəfər çalışır. Mədən sənayesində dövlət sektorunda 83, özəl sektorda  43 nəfər işləyir. ÜDM istehsalında tikinti ikincidir – 22,6%.

ÜDM istehsalında investisiyaların xüsusi çəkisi 52,6%-dir. Pərakəndə ticarət dövriyyəsi 199 mln 538 min manat və ya 3 ayda adambaşına 457,84 manatdır. Xidmət həcmi 33,68 mln manat, adambaşına 77,28 manat, əhalinin gəlirləri adambaşına 773,1 manatdır.

Xarici ticarət dövriyyəsi $78 mln 788,8 min təşkil edib: ixrac $50,92 mln, idxal $27,87 mln. --17D—