Yanvarın 1-i üçün «Aqrarkredit» ASC-nin aktivləri 700 min manat və ya 2,3% (ötən ilin əvvəlində 31 mln, sonunda 30,3 mln manat) azalıb.
Təşkilatın kredit portfeli 26,5 mln manat (artım 35,9%), məcmu kapitalı 13,9 mln manatdır. Gəlirləri 5 mln 508,6 min manatов, vergiyə qədər mənfəət 238,8 min manat təşkil edib.
«Aqrarkredit» ASC kənd yerlərinə 14,3 mln manat məbləğində 3812, o cümlədən heyvandarlıq üzrə 9,3 mln manat, ticarət və xidmət üzrə 4 mln manat kredit verib.
Sahibkarlıq Kömək Milli Fondunun xətti ilə 470 biznemenə 4,1 mln manat verilib. «Şimal-Şərq İnkişafı» və «Şimal-Qərb kənd inkişafı» layihələri çərçivəsində 561 sahibkar 2,6 mln manat alıb.
"Aqrarkredit" 30 dekabr 2003-cü ildə lisenziya alıb. Səhmdarları Maliyyə Nazirliyi, «Azərsığorta» və «Meliorasiya və Su Təsərrüfatı» ASC-dir. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz