Azərbaycan və Türkmənistan XİN rəhbərlərinin görüşü keçirilib

Dünən Aşqabadda Azərbaycan XİN rəhbəri Elmar Məmmədyarov və Türkmənistan XİN rəhbəri Rəşid Mərədovun görüşü keçirilib.

Azərbaycan XİN-in mətbuat xidmətinin məlumatına görə, görüşdə tərəflər ikitərəfli münasibətlərin hazırki səviyyəsini yüksək qiymətləndiriblər.

Bu zaman elə həmin gün Aşqabadda keçirilən Azərbaycan, Türkmənistan və Türkiyə xarici işlər nazirlərinin üçtərəfli görüşünün regional əməkdaşlığın inkişafında əhəmiyyəti vurğulanıb.

Məmmədyarov və Mərədov həmçinin iqtisadiyyat, ticarət, energetika, nəqliyyat, təhsil, mədəniyyət və idman sahəsində əməkdaşlıq məsələləri müzakirə olunub.

Həmçinin 2015-ci il iyunun 12-28-i tarixlərində Bakıdı Birinci Avropa Oyunlarının və Türkmənistanda “Aziada-2017”nin keçirilməsinin əhəmiyyəti vurğulanıb.

Nazirlər həmçinin qarşılıqlı maraq doğuran regional və beynəlxalq məsələlər üzrə fikir mübadiləsi aparıblar. -06D-