Dövlət Neft Şirkəti 2014-cü ildə dövlət büdcəsinə 1 mlrd 825 mln manat ($2,33 mlrd – red) vergi ödəyib. ARDNŞ mətbuat xidmətinin məlumatına görə, bu, rekord göstəricidir. 2013-cü ildə ARDNŞ dövlət büdcəsinə 1 mlrd 574 mln 437 min manat ödəyib. Yəni ötən il dövlət büdcəsinə ödənişlər 15,9% artıb.
2014-cü ildə neft və qaz hasilatı, neft məhsulları istehsalı proqnozları ödənilib. ARDNŞ-nin məlumatında deyilir ki, 1 iyul 2014-cü il üçün şirkətin ümumi aktivlərinin həcmi 2005-ci ilin müvafiq dövrü ilə müqayisədə 5 dəfə artaraq, 24 milyard 442 milyon manata çatıb.
ARDNŞ prezidenti Rövnəq Abdullayev qeyd edib ki, yeni ildə şirkətin həyata keçirəcəyi neft-qaz əməliyyatlarının başlıca məqsədi neft məhsullarına və təbii qaza ölkədaxili tələbatın təmin olunmasından ibarətdir. Həmçinin şirkətin bütün idarə və müəssisələrinə xərcləri optimallaşdırmaq tapşırılıb.–12D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz