Azərbaycan prezidenti hələ Neft Fondunun büdcəsini təsdiq etməyib. Bu prosedur, adətən, dekabrda olurdu.
Prezident İlham Əliyev 29 dekabrda Neft Fondunun inzibati binasının açılışında iştirak edib. Fond və onun rolu barədə çox xoş sözlər deyib. Amma 2015-ci ilin büdcəsi təsdiq edilməyib.
Fondun büdcəsinin təsdiqi Azərbaycan iqtisadiyyatı üçün vacib hadisədir: 2015-ci ildə büdcə gəlirlərində onun vəsaitləri 53,5% təşkil edəcək. Neft Fondunun vəsaitləri ilə “Cənub Qaz Dəhlizi”ndə, vacib neft-qaz layihələrində dövlətin payı maliyyələşdiriləcək.
Aydındır ki, hökumət Neft Fondunun gəlirlərini dəqiqləşdirir. Dünya bazarında neftin qiyməti düşür və proqnozlar qiddiyyətlidir. Ona görə, yəqin, ölkə rəhbərliyi xərclər üzrə son detalları dəqiqləşdirir.
Dekabrın sonunda ARDNF-nin icraçı direktoru Şahmar Mövsümov bəyan etdi ki, xərcləri azaltmaq üçün mexanizmlər hazırlayırlar. Bununla bağlı Fond müxtəlif ssenarilər hazırlayır.
ARDNF-nin məlumatına görə, 2013-cü ildə Fondun gəlirləri 13,6 mlrd, xərcləri 12,3 mlrd manat olub. 2014-cü ildə gəlirlər 11,6 mlrd, xərclər 10,6 mlrd manat proqnozlaşdırılıb.
15 ildə Fondun gəlirləri $117,2 mlrd, xərcləri $80,1 mlrd olub. –12A—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz