ARDNŞ neft-kimya kompleksinin tikintisinin nə vaxt başlayacağını bilmir

ARDNŞ neft-qaz emalı və neft-kimya kompleksinin tikintisinin nə vaxt başlayacağı bilinmir. Bunu şirkətin iqtisadi məsələlər üzrə vitse-prezidenti Süleyman Qasımov jurnalistlərə bildirib.

Onun sözlərinə görə, hökumət komissiyası işləri davam etdirir. Layihə işləri başa çatandan sonra komissiya tikintinin başlayacağı vaxtı bildirəcək. 

Əvvəllər ARDNŞ planlaşdırırdı ki, 2013-cü ildə tikintiyə başlasın. Bununla bağlı ARDNF-nin 2013-cü il büdcəsindən 211 mln 950 min manat ayrılmışdı. Amma son variant qəbul edilmədi. Apreldə son təklifləri hazırlamaq üçün hökumət komissiyası yaradıldı. 

Layihənin TİƏ-ni Technip, Foster Wheeler və UOP şirkətləri hazırlayıb. Komissiya yaradılana qədər layihənin qiyməti $14,2 mlrd, bank kreditlərinə xidmət də daxil $17 mlrd idi. Görünür, bu yüksək qiymət (digər Xəzəryanı ölkələrdə də belə komplekslərin layihələri həyata keçirilir, amma Azərbaycan layihəsi miqyası və kağız üzərindəki qiymətinə görə ən bahadır) ölkə rəhbərliyini təmin etməyib.

Əvvəllər nəzərdə tutulurdu ki, kompleksin ilk hissəsi 2017–2018-ci illərdə, tam kompleks 2020-ci ilin dekabrında istismara veriləcək. Ehtimal ki, layihə bu müddətə başa çatmayacaq. --12В--