ARDNŞ-nin 2013-cü ildə tikintisinə başlamaq istədiyi yeni neft-qaz emalı və neft-kimya kompleksi (SOCAR OGPC) layihəsinin hazırlanması üzrə yeni hökumət komissiyası yaradılıb.
ARDNŞ vitse-prezidenti Süleyman Qasımov Fineko-ya bildirib ki, yeni hökumət komissiyası prezident İlham Əliyevin bu yaxınlarda verdiyi sərəncamla yaradılıb.
"Komissiya prezident üçün SOCAR OGPC layihəsi üzrə son təklifi təqdim etməlidir. Bundan sonra layihənin strukturu müəyyən ediləcək. Bu gün ARDNŞ-nin öz vəsaitləri ilə işi davam etdiririk. ARDNF-nin 2013-cü il büdcəsində bu layihə üçün vəsait saxlanılır. Prezident layihəni təsdiq edəndən və struktur müəyyən olunandan sonra prezidentin fərmanı ilə layihənin icrasına başlayacağıq", – deyə Qasımov bildirib.
Neft Fondundan bu layihəyə 2013-cü ildə 211,950 mln manat ayrıla bilər.
Əvvəllər ARDNŞ rəhbəri Rövnəq Abdullayev bəyan edib ki, SOCAR OGPC-in yaradılması çərçivəsində 2013-cü ilin yayında qaz emalı zavodunun tikintisinə başlanılacaq. Onun üçün xammal "Ümid" yatağının qazı və ARDNŞ-nin öz qazı, bəlkə də, "Abşeron" yatağının qazı olacaq.
"Paralel olaraq, SOCAR OGPC-nin əlavə əsaslandırılması aparılır. 2013-cü ilin sonu üçün podratçılardan onun II kateqoriya qiymətləndirməsini alacağıq. Proqnozda dəqiqlik plyus-minus 15% olur. Hazırda plyus-minus 30% dəqiqliklə III kateqoriya rəy var", – deyə Abdullayev bildirib.
Əvvəllər şirkət SOCAR OGPC-nin tikintisinin maliyyələşdirilməsi üzrə UniCredit, RBS, Societe Generale, BNP Paribas, ING, Credit Agricole və ECGD-dən (Böyük Britaniya ixrac kreditinə zəmanət Departamenti) təklifləri qiymətləndirməyə başladı. OGPC-nin qiyməti hazırda $1,6 mlrd artaraq $14,2 mlrd xalis əsaslı xərclər və ya $17 mlrd tam investisiya xərcləri (xarici maliyyələşmənin cəlbi və ona xidmət xərci nəzərə alınmaqla) təşkil edir. Hələ bu qiymət də son hədd deyil.
ARDNŞ kompleksi Qaradağda, Səngəçal terminalının yaxınlığında tikmək istəyir. Texniki-iqtisadi əsaslandırmanı Technip, Foster Wheeler, UOP hazırlayıb. Kompleksin ilk hissəsi 2017–2018-ci illərdə, tam kompleks 2020-ci ilin dekabrında istismara verilməlidir. --0--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz