Dövlət Neft Şirkəti “Neste Jacobs” (Finlandiya) şirkəti ilə Karbamid zavodunun inşası ilə əlaqədar "Layihənin idarə edilməsi üzrə məsləhət və müstəqil inspeksiya xidmətləri"nin satın alınması üzrə saziş imzalayıb.
Satınalmalar üzrə Dövlət Agentliyinin məlumatına görə, şirkət tender yolu ilə seçilib. Şirkət öz xidmətini 14 mln 419 min 552 manat qiymətləndirib. ARDNŞ-nin karbamid zavodu 2011-ci ilin dekabrından tikilir. Baş podratçı 2013-cü ildən “Samsung Engineering Co., Ltd”dir (Cənubi Koreya). Tikinti layihəsi $500 mln qiymətləndirilir və dövlət büdcəsindən maliyyələşdirilir.
Danimarka və Niderland şirkətlərinin hazırladığı layihəyə əsasən, müəssisənin gücü sutkada 1200 ton ammonyak və 2000 ton karbamid olacaq. Zavod 2016-cı ilin sonunda istismara veriləcək. 08B
İqtisadiyyat
-
Azərbaycanın Milli Məclisi çərşənbə günü keçirilən plenar iclasında Azəri-Çıraq-Günəşli (AÇG) neft-qaz yataqlar blokunun birgə işlənməsi haqqında sazişə ikinci əlavə və dəyişiklikləri ratifikasiya etdi. Qanun layihəsi Prezident İlham Əliyevin qanunvericilik təşəbbüsü kimi parlamentə təqdim edilmişdi.
-
Müstəqil Dövlətlər Birliyi (MDB) İqtisadi Şurasının 104-cü iclası Rusiyanın paytaxtında keçirilib. Üzv ölkələrin nümayəndələri iqtisadi əməkdaşlığın genişləndirilməsi və regional təşəbbüsləri müzakirə ediblər. Azərbaycan iclasda Baş nazirin birinci müavini Yaqub Eyyubov tərəfindən təmsil olunub.
-
Azərbaycan İnformasiya və Kommunikasiya Texnologiyaları Agentliyi (İKTA) 2024-cü ilin ilk yarısında internet və telekommunikasiya xidmətlərinin keyfiyyətində əhəmiyyətli irəliləyişlər olduğunu, bunun geniş qiymətləndirmə çərçivəsi və təkmilləşdirilmiş tənzimləyici tədbirlərlə təmin edildiyini bildirdi.
-
2024-cü ildə Azərbaycan Bolqariyaya qaz təchizatını iki dəfə artıracaq. Bolqariya bu qazı yalnız öz ehtiyacları üçün istifadə etməklə qalmayacaq, həm də qismən Balkan Qaz Mərkəzinə göndərəcək və SOCAR ilə razılaşma əsasında qonşularına müxtəlif həcmlərdə tranziti təşkil edəcək.
Rəy yaz