2015-ci ildə neft-qaz sektorunda PSA sazişlər çərçivəsində çalışan şirkətlərin mənfəət vergisindən dövlət büdcəsinə mədaxil 800 mln manat olacaq.
Maliyyə Nazirliyinin proqnozuna əsasən, bu, dövlət büdcəsinə gözlənilən mənfəət vergisinin (2 mlrd 211 mln manat) 37,9%-dir. Xatırladaq ki, Maliyyə Nazirliyi neftin qiymətini 1 barrel üçün $90 nəzərdə tutub.
Neft-qaz sektorunda PSA sazişlər çərçivəsində çalışan şirkətlər ildə 4 dəfə mənfəət vergisi ödəyir: yanvar, aprel, iyul, oktyabr. Mənfəət vergisindən dövlət büdcəsinə mədaxil dünya bazarında neftin qiymətindən asılıdır.
2014-cü ildə bu şirkətlərin mənfəət vergisi 977 mln manat (proqnoz neftin 1 barreli $100 hesablanaraq verilib) təsdiq edilib. Neft-qaz sektorunda PSA sazişlər çərçivəsində çalışan şirkətlər 2013-cü ildə dövlət büdcəsinə 1 mlrd 420,6 mln manat mənfəət vergisi ödəyib.
Müstəqillik dövründə dövlət neft-qaz yataqlarının istismarı üzrə 30 belə saziş imzalayıb. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz