ABŞ Mərkəzi Bankının qərarı və İstanbuldakı aksiyalardan sonra Türkiyə bankları bu ölkədə $4,35 mlrd qiymətində neftayırma zavodu tikintisi layihəsinə kredit ayırmaqdan imtina edib. Bundan sonra ARDNŞ-nin bu banklarla münasibətləri pozulub. Bu barədə Türkiyənin “Hürriyyеt” qəzeti məlumat verir.
Yazıda deyilir ki, ARDNŞ rəhbərlərindən biri “çətin danışıqlardan sonra $2,5 mlrd kredit ala bildik” deyə məlumat verib.
ABŞ Mərkəzi Bankının kredit evrilməsinin mərhələlərlə dayandırılması barədə qərarı inkişaf etməkdə olan ölkələrə və böyük layihələr həyata keçirmək üçün kredit axtaran şirkətlərə təsir edib. ARDNŞ də bunların sırasındadır. ARDNŞ Türkiyə bankları ilə danışıqları əvvvəllər məhsuldar olurdu. ABŞ Mərkəzi Bankının qərarından sonra hər şey dəyişib, deyə “Hürriyyеt” qeyd edir.
2012-ci ilin martında ARDNŞ-nin layihələri ilə tanış olmaq üçün 15-dən çox Türkiyə bankının direktorları Bakıya dəvət edilmişdi. ARDNŞ bildirir ki, ABŞ Mərkəzi Bankının qərarına qədər Türkiyə bankları Star zavodunun tikintisinə kredit ayırmağa hazır idi. ABŞ Mərkəzi Bankının qərarı və İstanbulda park aksiyalarından sonra mövqelərini dəyişdilər.
Qeyd edilirdi ki, Star layihəsinin qiyməti kreditlər də daxil $4,8-5 mlrd olacaq. Bunun $1,5 mlrd-ı ARDNŞ özü ödəyəcək.
“Hazırda Akbank, Garanti, İş Bankası, Denizbank è Finansbank-la danışıqlar davam edir. Ümumi kredit məbləği $2,5 mlrd ola bilər, bizə isə $3,5 mlrd lazımdır. Dövlət banklarının da bu işə qoşulmasını istərdik”,- deyə ARDNŞ təmsilçisi bildirib.
Öz növbəsində Avropa Yenidəqurma və İnkişaf Bankı SOCAR Turkey-ə bildirib ki (ARDNŞ-nin törəməsi) Star NEZ-in tikintisi layihəsinə kreditin verilməsinə baxılması vaxtı dəyişdirilib.
AYİB Direktorlar Şurasının qərarına görə, məsələyə 16 oktyabrda yox, 29 oktyabrda baxılacaq. Amma bu qərarın səbəbi açıqlanmır.
SOCAR Turkey $150 mln kredit üçün AYİB-ə müraciət edib.
Maraqlıdır ki, AYİB Star NEZ-in tikintisi layihəsinin $200 mln bahalandığını bildirib. Əvvəllər layihənin qiyməti $5,1 mlrd göstərilirdi, indi $5,3 mlrd-dır.
Star NEZ-in layihəsinin iştirakçıları bunlardır: SOCAR Turkey (41,5%), ARDNF (40%), TURCAS Petrol A.S (18,5%). –12В—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz