Gürcüstanın Energetika Nazirliyi Azərbaycan Dövlət Neft Şirkətini bu ölkənin qaz bazarında inhisarçı hesab etmir. Bu barədə dünən “Kommersant” radiostansiyası Gürcüstanın energetika nazirinin müavini Mariam Valişviliyə istinadən verib.
Radiostansiya bildirir ki, SOCAR Energy Georgia-nın Gürcüstanın qaz bazarında inhisarçı olub-olmaması ARDNŞ “İtera Qruziya” şirkətini alandan sonra aktual oldu. Nazir müavini radiostansiyanın sualına cavab verərkən bildirib ki, bu əqd bazarda heç nəyi dəyişməyib. “İtera Qruziya” ARDNŞ qazı ilə təchiz olunurdu və bütün Gürcüstan Azərbaycan qazı ilə təchiz olunur.
Onun sözlərinə görə, yeni inhisarlar barədə deyilənlər əsassızdır.
Valişvili qeyd edib ki, ölkədə tarif siyasətinə xüsusi komissiya nəzarət edir və inhisar olduqda şirkət öhdəliklərdən qaça bilməz.
SOCAR Georgia Gas şirkəti Gürcüstanın bütün regionlarını təbii qazla təmin edir. Amma Tbilisi onun səlahiyyətində deyil. –0—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz