Kənd Təsərrüfatı Nazirliyində (KTN) İqtisadiyyat və Sənaye Nazirliyinin iştirakı ilə respublikanın qabaqcıl arıçıları ilə görüş keçirilib. Görüşdə ölkədə arıçılığın inkişafı, marketinq və damazlıq işinin təşkili müzakirə edilib.
Kənd Təsərrüfatı Nazirliyinin heyvandarlığın inkişafı şöbəsinin müdiri Qalib Əbdüləliyev Turan-a bildirib ki, arıçılıqda əsas problemlər damazlıq, məhsulun tədarükü, qablaşdırılması və marketinqdir.
Arıçılıq təsərrüfatları ayrılıqda işləyir və topdan ticarət şirkətlərinə böyük həcmdə məhsul təklif edə bilmirlər. Ona görə arıçılara biznes plan layihələrinin hazırlanması tövsiyə olunub.
Dövlət güzəştlə orta müddətli (3 ilədək) kredit verməyi öz üzərinə götürür, deyə Qalib Əbdüləliyev bildirib.
Hazırda arı balının milli standartı hazırlanır və bu il qəbul edilə bilər. Keyfiyyətsiz məhsulun qarşısının alınması üçün arıçılıq məhsullarının keyfiyyəti üzərində nəzarət gücləndiriləcək. Satışa çıxarılan məhsul Respublika Baytarlıq Laboratoriyası və onun 12 zona bölməsində icbari analizdən keçirilməlidir. Arıçılara tövsiyə edilib ki, otel və restoranlarla sıx əməkdaşlıq etsinlər.
Azərbaycanda arıçılıqla peşəkar səviyyədə 1500-dək ailə məşğul olur. Dövlətstatkoma görə, 2014-cü ildə ölkədə arı ailələrinin sayı 238,3 mindən 243 minə artıb.
DSK-nın məlumatına görə, 2014-cü ildə 2 400 ton bal istehsal edilib. Bu, əvvəlki ildəkindən 100 ton azdır. Bu il məhsulun bir qədər çox olacağı gözlənilir. 08B
İqtisadiyyat
-
2024-cü ildə Rusiyadan qonşu ölkələrə pul köçürmələrinin həcmi azalmağa davam edib. Bu barədə RBC-nin araşdırdığı Qazaxıstan, Gürcüstan, Ermənistan və Azərbaycanın mərkəzi banklarının məlumatlarında bildirilir. Bank infrastrukturu və Zolotaya Korona, Unistream, Contact kimi pul köçürmə sistemləri vasitəsilə həyata keçirilən əməliyyatlar nəzərə alınaraq tərtib olunan rəqəmlər, 2022-ci ildəki artımdan sonra köçürmələrdə davamlı azalma tendensiyasını göstərir.
-
Azərbaycanın düyü idxalı sürətlə artmaqdadır, çünki yerli istehsal artan tələbatı qarşılamaqda çətinlik çəkir. Bu tendensiya ölkənin xarici tədarükçülərdən asılılığını vurğulayır. Hökumətin istehsalı artırmaq təşəbbüslərinə baxmayaraq, yerli istehsal dəyişməz qalır və 2024-2025 mövsümündə cəmi 10 000 ton məhsul gözlənilir. Bununla yanaşı, 2024-cü ilin yanvar-oktyabr aylarında ölkəyə 55 961 ton düyü idxal olunub.
-
Azərbaycan və Pakistan enerji əməkdaşlığının dərinləşdirilməsinə artan sadiqlik nümayiş etdirir və bu istiqamətdə xüsusilə bərpa olunan enerji təşəbbüslərinə diqqət yetirir. Yanvarın 30-da Azərbaycanın enerji naziri Pərviz Şahbazov Bakıda Pakistanın Federal Özəlləşdirmə, İnvestisiya Şurası və Kommunikasiyalar naziri Əbdül Alim Xan rəhbərlik etdiyi nümayəndə heyətini qəbul edib.
-
Qazaxıstanın ən böyük yatağı olan Kaşaqandan hasil edilən neft Bakı-Tbilisi-Ceyhan (BTC) boru kəmərinə daxil olmağa başlayıb. SOCAR-ın məlumatına görə, bu neftin ilk partiyası 27 yanvarda Səngəçal terminalında qəbul edilib və BTC vasitəsilə Ceyhan limanına nəql ediləcək.
Rəy yaz