Azərbaycan Sığortaçılar Assosiasiyasının sədri Orxan Bayramov hesab edir ki, ilin sonuna kimi sığorta bazarı 10-20% arta bilər.
“Birinci rübdə manatın devalvasiyası baş verdi, buna baxmayaraq, birinci yarımilliyin yekunları üzrə 14,3% artım qeydə alınıb. İkinci rübdə bazar yeni şərtlərə uyğunlaşdı. Üçüncü rübün yekunları üzrə real mənzərəni görmək mümkün olacaq”, - deyə O.Bayramov Turan-a bildirib.
Onun sözlərinə görə, ASA-nın fevralda devalvasiyadan əvvəl hazırladığı proqnozlara əsasən, ilin sonuna qədər hər nəfərə sığorta haqları 50 manata çatmalıdır. İndi bu göstərici təxminən 46 manat təşkil edir. Belə olduğu halda bazarın ümumi həcmi 500 mln manata yaxın təşkil edəcək (ötən il 430 mln manat olub)
DSNX-nin məlumatına əsasən, I yarmildə ümumi sığorta haqları 242,4 mln manat (ötən ilin eyni dövrü ilə müqayisədə +14,3%) olub. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz