Prezident İlham Əliyev iyulun 23-də Samir Cəfərovun “Azərbaycan Polad İstehsalı Kompleksi” Qapalı Səhmdar Cəmiyyətinin sədri vəzifəsindən azad edilməsi haqqında sərəncam imzalayıb.
ASPC-də Turan-a bildiriblər ki, dövlət başçısının qərarı kollektiv üçün gözlənilməz olub. Samir Cəfərov dünənə qədər iş yerində olub.
Samir Cəfərov Türkiyənin Uludağ və Hacettepe universitetlərində Beynəlxalq münasibətlər ixtisası üzrə bakalavr, magistr və doktorluq dərəcələri alıb. Moskva Dövlət Universitetində elmi işlə məşğul olub. Türkiyədə metal emalı üzrə fəaliyyət göstərən şirkətdə məsul vəzifələrdə çalışıb, bir sıra ölkələrdə metallurgiya sahəsində şirkətlər qurub, sahibkarlıqla məşğul olub.
2008-ci ildən 2014-cü ilədək Heydər Əliyev Fondunun Türkiyə nümayəndəliyinin rəhbəri olub.
Nizamnaməyə əsasən, ASPC İH sədrinin 3 müavini ölkə prezidentinin qərarı ilə qəbul edilir və azad edilir. Amma belə təyinat olmayıb.
ASPC 2013-cü ilin aprelində yaradılıb. Həmin ildə Yaponiyanın Marubeni korporasiyası İqtisadiyyat və Sənaye Nazirliyi tərəfindən yeni metallurgiya kompleksinin yaradılmasının texniki-iqtisadi əsaslandırmasını hazırlamaq üçün cəlb edilib. Kompleksin layihələndirilməsi və tikintisi üzrə şirkət əclb etmək üçün də iş aparılıb.
ASPC Gəncədə metallurgiya kompleksi tikintisi ideyası ətrafında situasiyanın qızğın çağında yaradılıb. Daşkəsən Dağ-mədən kombinatının səhmlərinin 97%-i özəlləşdirən Det.Al Holding-dən başqa, “Baku Steel Company” MMC də buna iddialı olub. Dövlət “Daşkəsən Filizsaflaşdırma” ASC-nin səhmlərini Det.Al Holdingdən alıb və onun bazasında şirkət yaradıb. 2014-2015-ci illərdə dövlət büdcəsindən yeni metallurgiya kompleksinin tikintisi üçün bir neçə milyon manat ayrılıb.
Amma bu şəraitdə də “Baku Steel Company” MMC rəhbərliyi Daşkəsən dəmir filizi yataqlarını ələ kçeirmək niyyətndən əl çəkməyib. Bəzi ekspertlərə görə, Samir Cəfərovun işdən azad edilməsi “Baku Steel Company” MMC-nin qələbəsinin ilk simptomudur. İkinci mərhələdə dövlət ASPC-in idarə edilməsini “Baku Steel Company” MMC-yə tapşıra bilər və bu bununla Azərbaycanın dəmir filizi uğrunda mübarizə həllini tapacaq. 08B
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz