Qiymətli Kağızlar üzrə Dövlət Komitəsi iyulun 23-də iki qeyri-bank kredit təşkilatının təmin edilməmiş faizli istiqrazlarının buraxılışını qeydiyyata alıb.
QKDK-nin məlumatına görə, “Premier Kredit Bank Olmayan Kredit Təşkilatı” məhdud məsuliyyətli cəmiyyəti kapital bazarından 580 min dollar, “KredAqro” qapalı səhmdar cəmiyyəti 3 mln. manat əldə etmək niyyətindədir. Komitə bu qiymətli kağızların faizi və dövriyyə müddəti haqqında məlumat vermir.
“Premier Kredit Bank Olmayan Kredit Təşkilatı” MMC 2014-cü ilin dekabrından, “KredAqro” QSC isə 2000-ci ildən fəaliyyət göstərir. Hər iki kredit təşkilatı ən az illik 23%-lə müxtəlif istiqamətli kreditlər verir.
Azərbaycanda özəl korporativ imtiyazlar illik 8-15%-lə yerləşdirilir. Onların emitenti kimi əsasən QBKT, kommersiya bankları, sığorta və lizinq şirkətləri çıxış edir. Hazırda dövlət və özəl korporativ istiqrazların 46 buraxılışı dövriyyədədir. -08D-
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz