«AtaSıgorta»nın beynəlxalq əlaqələri

“AtaSığorta” ASC-nin rəhbərliyi 23-24 may tarixlərində Almaniyanın Münhen şəhərində keçirilmiş “Sığortada əməliyyat mükəmməlliyi” adlı beynəlxalq konfransda iştirak edib. 

AVIVA, Zurich Insurance, AXA, ACE, XL Insurance və digər qlobal sığorta şirkətlərinin iştirak etdiyi tədbirə 21 ölkədən sığorta sahəsində çalışan 60-dan çox nüfuzlu şəxs qatılıb. Tədbirdə şirkəti İdarə Heyətinin sədr müavini Orxan Məmmədov təmsil edib. 

İki gün davam edən konfransda məruzəçilər sığorta sahəsində aktual olan problemlər və inkişaf perspektivləri, yeni texnologiyaların tətbiqi, sığorta əməliyyatların mükəmməlliyini təmin etmək üçün yeni istiqamətlər haqqında çıxışlar ediblər. 

“Öz müştərilərinə daha effektiv və keyfiyyətli xidmət göstərməyi qarşısında hədəf qoyan AtaSığorta üçün bu cür beynəlxalq konfranslarda iştirak sığorta sahəsində yeni trendlərin izlənilməsi, Azərbaycan sığorta sektoru üçün innovativ yeniliklərin öyrənilməsi və tətbiqi, həmçinin yeni əməkdaşlıqların yaradılması və təcrübə mübadiləsi baxımından çox faydalıdır,” – deyə O.Məmmədov bildirib. 

“AtaHolding” Sirkətlər Qrupuna daxil olan “AtaSığorta” 2004-cü ildən sığorta bazarında fəaliyyət göstərir və 22 könüllü və 4 icbari sığorta növü üzrə xidmət edir. Şirkət İcbari Sığorta Bürosunun təsisçisi və iştirakçısıdır. “AtaSığorta” ASC-nin xidmət şəbəkəsinə 4 filial və 4 nümayəndəlik daxildir. --17D—