«Atəşgah» avtomobilçilərə məsuliyyət limitini artırmağı təklif edir

«Atəşgah» sığorta şirkəti Hesab.az-la birgə müştəriləri üçün növbəti təklif hazırlayıb. Şirkətdən verilən məlumata görə, bundan sonra istənilən avtomobil sahibi Hesab.az portalında  “Atəşgah” SŞ-nin sadə və rahat sığorta məhsulu - «İcbari+» əldə etməklə öz mülki məsuliyyətinin limitini artıra bilər. Dəyəri 19 AZN olan «Icbari+» məhsulu məsuliyyət limitini 10 min AZN-ə qədər  artırmaq imkanı  verir.  Bundan əlavə, «Icbari+» əldə etmiş hər bir müştəri, elə o andaca Hesab.az - dan 20 min hədiyyə bonusu, həmçinin mobil telefonunun balansını 5 AZN dəyərində artırmaq imkanı əldə edir. 

Sığorta şəhadətnaməsini əldə etmək üçün Hesab.az portalında “Sığorta” bölümünə daxil olmaq kifayətdir. Sığorta şəhadətnaməsi “Atəşgah” SŞ tərəfindən bir iş günü ərzində Bakı və Sumqayıt şəhərləri daxilində pulsuz olaraq istənilən ünvana çatdırılır. 

Xatırladaq ki, daha əvvəl Azərbaycanın onlayn məkanında “Atəşgah” SŞ və Hesab.az portalı tərəfindən icbari avtomobil sığortasının onlayn satışı tətbiq olunmuşdu. Yaxın perspektivdə müştərilərin rahatlığı və onlara göstərilən xidmətin səviyyəsinin yüksəldilməsi məqsədilə digər məhsulların da tətbiqi planlaşdırılır.   Əlavə məlumat üçün (012) 940 əlaqə nömrəsinə zəng etməli. 

«Аtəşgah» 1997-ci ildə yaradılıb. “Atəşgah” sığorta qrupuna “Atəşgah Həyat Sığorta" və "Intermed" tibb klinikası da daxildir.  Hazırda şirkət 20-dən çox sığorta növü üzrə xidmət göstərir. Yanvar-oktyabrda sığorta mükafatları 30,66 mln, ödənişləri 12,11 mln manat olub. --17D—