«Atəşgah Həyat» şirkətinin sədr müavini siyasətə getdi

«Atəşgah Həyat» şirkətində kadr dəyişikliyi olub. 

Sədr müavini Şahin Seyidzadə AR Gənclər Təşkilatları Milli Şurasına sədr seçildiyi üçün sığorta işi ilə vidalaşıb. 

Şirkətdə bildiribblər ki, Şahin Seyidzadə iqtisadçıdır. Azərbaycan Dövlət İqtisad Universitetini bitirib, Mançester Universitetinin “Təhsil sistemlərinin idarə edilməsi” üzrə magistr dərəcəsinə yiyələnib.

2008-ci ilin mart-avqustunda “Atəşgah” SŞ İnsan Resursları şöbəsinin rəisi vəzifəsində çalışıb. 2010-cu ilin sentyabrından isə “Atəşgah Həyat” SŞ İdarə Heyətinin sədr müavini vəzifəsini tuturdu. 

"Atəşgah Həyat Sığorta" müddətli həyat sığoratsı, yığım həyat sığortası, kredit həyat sığortası və istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta kimi növlər üzrə xidmət göstərir. 

"Atəşgah Həyat Sığorta" “İntermed” tibb klinikası ilə “Atəşgah” sığorta qrupuna daxildir. 

Şirkət 1998-ci ilin martında yaradılıb. 2009-cu ilin yanvarına kimi "Kavkaz Sığorta" adı ilə fəaliyyət göstərib.  

Səhmdarları "I.S.R. Holding Ltd." və RAN-Eksimdir.  

Şirkətin nizamnamə kapitalı 4 mln manatdır.  --17D—