İlin I yarısında aviaşirkətlərin yük daşımaları üzrə gəlirləri 300,5 mln manat olub. Bu, ötən ilin eyni dövründəkindən 43,5 mln manat və ya 16,9% çoxdur. Bu barədə Turan-a Dövlətstatkomda məlumat veriblər.
Aviaşirkətlər 71,6 min ton yük daşınmasına 254 mln manat xərcləyib. Xərclər 17,2% artıb. Beləlkilə, I yarımildə aviaşirkətlər 46,5 mln manat (+6,2 mln manat) balans mənfəəti əldə edib. Böyük ehtimalla, aviaşirkətlərin manatın məzənnə fərqinə görə qazancı çoxdur, çünki daşımaların əksəriyyəti Azərbaycandan xaricdə həyata keçirilir. 2015-ci ildə aviaşirkətlərin yük daşımaları üzrə gəlirləri 531,1 mln manat olub. Bu, 2014-cü ildəkindən 1,5% azdır. Aviaşirkətlərin balans mənfəəti 82 mln manatdan çox olub.
2016-cı ilin yanvar-avqustunda Azərbaycan aviaşirkətlərinin yük daşımaları həcmi əvvəlki ilin eyni dövrünə jnisbətən 23% artaraq 99 min ton olub.
Azərbaycanda 4 milli aviaşirkət var. Bunun 1-i (AZAL) dövlətə məxsusdur. Qalan 3-ü (“Silk Way Airlines”, “Silk Way West”, “Silk Way Business Aviation”) “Silk Way Holding” MMc şirkətlər qrupuna daxildir. Yük daşımaları ilə “Silk Way Airlines” və “Silk Way West” məşğul olur. 08B
İqtisadiyyat
-
Azərbaycan Xəzər Dəniz Gəmiçiliyi (ASCO) Xəzər dənizində hava şəraitinin pisləşməsi səbəbindən dayandırılan yük və sərnişin daşımalarını bazar ertəsi tam bərpa edib.
-
Azərbaycan investisiyaların artırılması, investisiya mühitinin yaxşılaşdırılması və bilik və bacarıqların inkişaf etdirilməsi yolu ilə "orta gəlir tələsi"ni aşa bilər. Bu barədə iqtisadiyyat nazirinin müavini Səməd Bəşirli Bakıda Dünya Bankının Qlobal Hesabatı Dünya İnkişaf Hesabatı – 2024 (WDR) təqdimatında bildirib.
-
Avropa və Mərkəzi Asiya ölkələri yalnız investisiyaları cəlb etməməli, həm də davamlı iqtisadi artımı təmin etmək üçün texnologiyanı aktiv şəkildə uyğunlaşdırmalı və yaymalıdır, - Dünya Bankının region üzrə baş iqtisadçısı İvaylo İzvorski bildirib. Dünya İnkişaf Hesabatı 2024 təqdimatında çıxış edən İzvorski, özəl sektorun inkişafını ləngidən struktur problemlərini vurğulayıb.
-
Azərbaycan yüksək gəlirli ölkələr qrupuna keçməyə hazırdır, Mövsümov bildirib ki, 1990-cı illərdən bəri bu keçidi uğurla reallaşdıran cəmi dörd ölkə olub. "Bu, asan bir vəzifə deyil, amma biz buna hazırıq. İqtisadiyyatımızı daha da şaxələndirməsək, lider mövqeyimizi qorumaqda çətinlik çəkərik," – o deyib.
Rəy yaz