Avqust ayinda təkrar mənzil bazarinda qiymətlər sabit qalib
Avqust ayında paytaxtda və eləcədə respublikanın digər böyük şəhərlərinin Təkrar Mənzil Bazarında (TMB) qiymətlər sabit olaraq qalıb. .“Əmlak Bazarı İştitakçıları” İctimai Birliyinin hesablamalarına görə hal-hazırda mənzillərin orta qiymət indeksi təxminən 1 kv/m üçün-980 ABŞ dolları təşkil edir. Təkrar Mənzil Bazarında qiymətlə yanaşı aktivlik əmsalındada ciddi dəyişiklik qeydə alınmayıb. Avqust ayında aktivlik əmsalına görə ən cəlbedici rayonlar ötən ayda olduğu kimi, Yasamal, Nəsimi, Nərimanov və Xətai rayonları olub və bu 4 rayonun ümumi təklif portfelindəki payı 75%-dən yuxarı olub. Son bir ayda 4 və 5 otaqlı mənzillərin sayında azalma baş verib. Təklif üzrə ən çox azalma 4 otaqlılar üzrə qeydə alınıb. 1, 2 və 3 otaqlı mənzillərin təklif üzrə payında isə artım müşahidə olunub Ən çox artım 2 otaqlı mənzillərdə qeydə alınıb. Bazarda mənzillərin 1 kv.m-nin orta qiymətindən (980 ABŞ dolları) aşağı olan mənzillər ümumi portfeldə daha çox paya, yəni 53,3%-ə malikdir. Mənzillərin orta otaq göstəricisi 2.79, hər otağın orta satış qiyməti 44130 ABŞ dolları, mənzilin orta qiyməti isə 110846 ABŞ dolları təşkil edib.
TMB-da çalışan mütəxəssislər son bir ayda qiymətlərin sabit qalmasını əsasən mövsümi amillərlə və eləcədə dövlət ipoteka kreditlərinin verilməsinin saxlanılması ilə əlaqələndirirlər. Mövsümün sonunadək bazardakı sabitliyin davam edəcəyi, payız aylarından etibarən isə bazardakı nisbi aktivliyin artması gözlənilir. TMB-da çalışan mütəxəssislərdən biri yaxın günlərdə ehtimal olunan vəziyyəti belə şərh etdi “ İpoteka kreditləşməsinin açılması bazardakı aktivliyin artmasına və eləcədə qiymətlərin nisbi bahalaşmasına səbəb ola bilər”.
-
- Siyasət
- 5 Sentyabr 2012 17:20
-
- İqtisadiyyat
- 5 Sentyabr 2012 17:33
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz