Avqustda birjadankənar 1,7 mln manatlıq əqdlər bağlanılıb

Bu ilin avqustunda birjadankənar kənar platformada səhmlərin alqı-satqısı üzrə ümumi müqavilə qiyməti 1 742,4 min manat olan əqdlər bağlanılıb. 842,9 min səhm əqd predmeti olub. 

Maliyyə sektorunun payı 642 min manat, istehsal sahəsinin payı 846 min manatdır. 

Qiymətli Kağızlar üzrə Dövlət Komitəsinin 2011-ci ilin avqustu tarixli qaydalarına əsasən, qiymətli kağızların alqı-satqısı üzrə birjadankənar əməliyyatların həcmi barədə informasiyanı BFB açıqlayır. Bu məlumatların açıqlanmasına yanvardan başlanılıb. Bu informasiyalarda birjadankənar əməliyyatlar barədə əqd tərəflərinin adından başqa bütün məlumatlar olub. Martın əvəlindən BFB qəflətən bu məlumatların verilməsini dayandırıb. İyundan informasiyalar birjanın öz qaydalarına uyğun verilməyə başlayıb. Hərçənd normativ-hüquqi akt olan köhnə normalar ləğv edilməyib. BFB-nin qaydalarına əsasən, birjadankənar əməliyyatlar barədə analitik xarakterli kasad informasiya verilir: ümumi səhm sayı, müəssisələrin profili (maliyyə və sənaye) və bağlanan əqdlərin ümumi qiyməti. 

Ekspertlər hesab edir ki, BFB tərəfindən QKDK qaydalarının inkar edilməsi Azərbaycanın qiymətli kağızlar bazarında informasiya aşkarlığına mane olur. 08