2013-cü ilin avqust ayında ölkə iqtisadiyyatına kredit qoyuluşunun qalığı 425,2 mln manat və ya 1,8% artaraq 14455,1 mln manat olub.
Azərbaycan Mərkəzi Bankının məlumatına görə, son 12 ayda kreditləşmədə artım 3397,3 mln manat və ya 30,7% olub. Vaxtı keçmiş kreditlərin kreditləşmənin ümumi həcmində xüsusi çəkisi 1 sentyabr üçün 525% təşkil edib. Bir il əvvəl o, 6,7% idi.
Qısamüddətli kreditlər il ərzində 381,6 mln manat və ya 12,9%, uzunmüddətlilər 3015,7 mln manat və ya 37,2% artıb. Sonuncuların qalığı 11112,7mln manat olub. Uzunmüddətli kreditlərin xüsusi çəkisi 76,9% təşkil edib (bir il əvvəl 73,2%).
Kredit qoyuluşunun ümumi həcmində özəl bankların payı 62,7%, Beynəlxalq Bankın payı 34,6% olub. Qalan 2,7% qeyri-bank kredit təşkilatlarının payına düşüb.
Banklar tərəfindən iqtisadiyyatın real sektoruna bütün kreditlərin 98,96%-i, maliyyə sektoruna 1,04%-i yönəldilib. 1 sentyabr 2013-cü il üçün fiziki şəxslərə 5572,6 mln manat və ya ümumi göstəricinin 38,6% -i, xidmət və ticarət sahəsinə 2206,9 mln manat və ya 15,3%, energetika və təbii ehtiyatlara 318,5 mln manat və ya 2,2%, tikinti və əmlak sahəsinə 2239,4 mln manat və ya 15,5%, sənaye və istehsala 1413,1 mln manat və ya 9,8%, nəqliyyat və rabitəyə 482,5 mln manat və ya 3,3%, kənd təsərrüfatı və emala 695,7 mln manat və ya 4,8% və s.
Xarici valyuta ilə kredit payı 29% olub. Ötən ilin müvafiq tarixi üçün iqtisadiyyatın xarici valyuta ilə kreditləşməsinin payı 33,3% idi.
Kredit qoyuluşunun 87,6%-i Bakının payına düşüb. Vaxtı keçmiş kreditlərin 85,9%-i də paytaxtın hesabındadır. Ölkə üzrə orta kredit dərəcəsi 14,1% olub (ötən ay 15,5%).
AMB-nin məlumatına əsasən, manat kreditləri üzrə orta faiz dərəcəsi avqustda 0,07% azalaraq 14,26%, xarici valyuta ilə kreditlərdə 0,27 f. b. azalaraq 14,56% olub. İllik kəsimdə manat resursları 1,130 f.b., valyuta resursları 0,96 f.b. ucuzlaşıb.
Bu ilin 1 sentyabrı üçün manat kreditləri fiziki şəxslərə illik 18,21%-lə, valyuta kreditləri 21,20%-lə verilib. Hüquqi şəxslər üçün bu göstərici müvafiq olaraq 11,45% və 10,89% təşkil edib. –15B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz