Avqustun 1-ə qədər AVSMMİS üzrə vətəndaşlara 13,1 mln manat ödənilib

2013-cü ilin iyul ayı ərzində “Avtonəqliyyat vasitəsi sahiblərinin mülki məsuliyyətinin icbari sığortası” üzrə Büronun iştirakçıları olan sığorta şirkətlərinə qarşı irəli sürülən sığorta tələblərindən 1702-i üzrə 2 340 262,80 manat məbləğində  sığorta ödənişi həyata keçirilib.

daha çox ödəniş avtonəqliyyat vasitəsinə dəyən ziyan üzrədir - 1 618 sığorta hadisəsi üzrə 2 mln 192 min 493,58 manat. 42 YNH üzrə 64 min 769,22 manat, , Sağlamlığa dəyən zərər üzrə 38 min manat (33 hadisə), şəxsin ölümü üzrə 45 min manat (9 hadisə) ödənilib. 

Büro üzvləri ilin I yarısında AVSMMİS üzrə 9439 tələb üzrə 13,1 mln manat ödəniş ediblər. 

Hazırda Azərbaycanın sığorta bazarında 11 şirkət İcbari Sığorta Bürosu çərçivəsində xidmət göstərməyə icazə alıb. Bunlar AXA MBASK, AtaSığorta, Atəşgah Sığorta, AzərSığorta, AzSığorta, Xalq Sığorta, Paşa Sığorta, Standard Insurance, Meqa Sığorta, İpək Yolu Sığorta və Azərbaycan Sənaye Sığortadır. 

İcbari Sığorta Bürosu İcbari sığorta növləri haqqında» qanun çərçivəsində yaradılıb. AVSMMİS-lə bağlı qanunda bir qəza üzrə sağlamlığa dəyən ziyan və ölümə görə maksimal ödənişin orta Avropa göstəricisi 50 min manatdır (4 sərnişin və 1 sürücü), bir fiziki şəxsin ziyanı 5 min manat, avtomobilə görə 5 min manat ödənilir. 

Qanuna görə, AVSMMİS üzrə ödənişdən imtina etmək olmaz. Hətta sərxoş, hadisə yerindən qaçan və qəsdən qəza törədən  sürücünün hərəkəti nəticəsində ziyan çəkən piyada və ya sərnişin, sürücülük vəsiqəsi olmayan (əgər avtomobilin sahibidirsə) sürücülər kompensasiya ala bilər. 

Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. --17D-