Avropa İttifaqı: Xəzərdən boru keçirməyin vaxtıdır

Avropa İttifaqı hesab edir ki, Transxəzər qaz kəmərinin tikintisinə başlamaq üçün ən yaxşı vaxtdır, deyə Aİ-nin Türkmənistan səlahiyyətlisi Denis Danilidis çərşənbə axşamı bildirib. Bu barədə RİA Novosti xəbər verir. 

Beynəlxalq neft-qaz konfransında çıxışı zamanı o deyib ki, Aİ və Türkmənistan bu kəmər üzrə danışıqların bitməsini və saziş bağlanmasına səy göstərir. 

“Transxəzər qaz kəməri əsas məsələdir və Aİ hesab edir ki, indi saziş bağlayıb qaz kəmərinin tikintisinə başlamaq üçün ən yaxşı vaxtdır. Danışıqlarda bir neçə qalan məsələləri müzakirə etmək zəruridir. İlk qaz kəməri Cənub qaz dəhlizi yaradılana qədər tikilib başa çata bilər”, — deyə Danilidis qeyd edib. 

Onun sözlərinə görə, Transxəzər qaz kəməri də daxil Cənub qaz dəhlizi Aİ üçün prioritetdir. 2013-cü ilin mayındakı sammit də bunu sübut edib. O vaxt 2014-2020-cü illər üçün əsas infrastruktur layihələri açıqlanıb. O deyib ki, Aİ Xəzərdən keçən kəmərin yüksək ekoloji standartlara uyğun olması barədə Azərbaycan və Türkmənistanla razılığa gəlib. Onun sözlərinə görə, bu barədə sənəd bu ilin sonunda təsdiq ediləcək. 

Transxəzər qaz kəməri Xəzər qazını Rusiyadan yan keçməklə Avropaya nəql edəcək Cənub qaz dəhlizinə qoşulmaq üçündür. Amma Xəzərin hüquqi statusu üzrə sazişin olmaması buna mane olur. 

Azərbaycan və Türkmənistan hesab edir ki, Xəzərin dibi ilə qaz kəməri çəkmək üçün kəmərin ərazisindən keçdiyi ölkələrin razılığı yetər. RF və İran isə bildirir ki, Xəzərin hüquqi statusu təyin edilmədiyi üçün bu layihə 5 Xəzəryanı ölkənin razılığı ilə çəkilə bilər. –0--