Hazırda həbsdə olan prezidentin sabiq işlər müdiri Akif Muradverdiyev onun bu günlərdə saxlanmış biznesmen Vaqif Musayevlə guya əlaqəsi olması bağlı mediada yazılan məlumatları təkzib edib.
“Bu, “Yeni Müsavat” qəzetinin uydurmasıdır. Mənim Vaqif Musayev adlı adamla heç zaman əlaqəm, görüşüm olmayıb, onu üzdən tanımıram, yalnız adını eşitmişəm”, - A. Muradverdiyevin adından onun vəkili Rəşad Mirmehdizadə bildirib.
Xatırladaq ki, bir sıra KİV bu günlərdə keçmiş AMİP-çi biznesmen V. Musayevin polis tərəfindən saxlandığını yazıb. Mediada V.Musayevin saxlanması Akif Muradverdiyev , Nicat Quliyev və Milli Şura arasında əlaqələrin olması ilə əlaqələndirilib və yeni həbslərin olacağı yazılıb.
Rəsmi məlumatlarda V. Musayevin qanunsuz silah saxlamaqla bağlı saxlandığı bildirilir.
Akif Muradverdiyev 2013-cü il iyunun 20-də Bakı hava limanında saxlanılıb. Rəsmi məlumatlarda ondan Çar Rusiyasına aid 40 ədəd qədim qızıl pul sikkələrini Moskvaya apararkən aşkar edildiyi bildirilib.
A.Muradverdiyev bu məlumatları təkzib edib və sikkələrin onun əl çantasına atıldığını bildirib.
Faktla bağlı Milli Təhlükəsizlik Nazirliyinin İstintaq Baş İdarəsi tərəfindən CM-nin 206.1-ci (qaçaqmalçılıq) maddəsi ilə cinayət işi başlanıb. Akif Muradverdiyev təqsirləndirilən şəxs qismində cəlb olunaraq məhkəmənin qərarı ilə barəsində həbs qətimkan tədbiri seçilib.-03B-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz