![Avropa İttifaqının QKDK ilə Tvinninq layihəsi uğurla başa çatıb](https://turan.az/resized/750/500/resize/media/2014/main/052100079236.jpg)
Avropa İttifaqının QKDK ilə Tvinninq layihəsi uğurla başa çatıb
Bu gün Four Seasons Baku otelində Avropa İttifaqı (Aİ) tərəfindən maliyyələşdirilən “Azərbaycan Respublikasının qiymətli kağızlar bazarı üzrə qanunvericiliyinin Avropa İttifaqının qanunvericiliyinə uyğunlaşdırılması və Qiymətli Kağızlar üzrə Dövlət Komitəsinin institusional inkişafı” Tvinninq layihəsinin yekun konfransı keçirilib. Turan-ın müxbiri Hafiz Babalı tədbirə buraxılmayıb, ona görə geniş informasiya verilməsi mümkün deyil.
1milyon avroluq layihəni Avropa İttifaqı maliyyələşdirib. 2012-ci ilin IV rübündə layihəni Polşanın Maliyyə Nəzarəti Agentliyi idarə edib. Layihə çərçivəsində qanun layihələri («Mülki Məcəlləyə dəyişiklik edilməsi haqqında », «Qiymətli Kağızlar bazarı haqqında ») və QK bazarında keyfiyyət dəyişikliyi, korporativ idarəetmənin səviyyəsinin yüksəldilməsi və s. yönəldilmiş bir sıra normativ-hüquqi aktlar hazırlanıb.
Polşa mütəxəssisləri bakıda və xaricdə QKDK, həmçinin Milli Depozit Mərkəzi, Bakı Fond Birjası üçün çoxlu seminarlar keçirib.
Bu günkü tədbir layihənin nəticələrini açıqlamaq üçün keçirilib. Hələlik hazırlanan qanunvericilik aktlarının heç biri qəbul edilməyib.
Konfrans barədə informasiya 19 mayda QKDK-nın saytında verilib. Turan QKDK ictimaiyyətlə əlaqələr sektoruna iştirak niyyəti barədə məlumat verib. Amma bu gün qurumun təmsilçiləri Turan-ın müxbirinə bildirib ki, dəvət edilənlər sırasında adı yoxdur.QKDK qanunsuz olaraq tədbirlərindən informasiya əldə edilməsinə mane olur və bu, ilk hal deyil. Agentlik bununla bağlı qanunvericiliyə uyğun tədbirlər görəcək.
Görünür, Aİ QKDK-nın inkişafı üçün hər şeyi etməyib.
Turan agentliyi QK bazarı ilə bağlı məlumatları geniş işıqlandırmaq istəyir. Bir çox hallarda QKDK-nın hərəkət və ya hərəkətsizliyinə tənqidi yanaşır. Bu, isə qurumun rəhbərliyinin xoşuna gəlmir. 08C
-
- Cəmiyyət
- 21 May 2014 14:17
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Azərbaycan və Ermənistan liderlərinin görüşü niyə baş tutmadı? – İlham İsmayıl Çətin sualda
Xəbər lenti
-
- Cəmiyyət,
- 14:01
- 200
Rəy yaz