Avtobus daşımalarından gəlirlər 9,9% artıb

2013-cü ildə şirkətlərin və fiziki şəxslərin avtobusla sərnişin daşımalarından gəlirləri 9,9% artaraq 344,6 mln manat olub. Avtobusdan istifadə edənlərin sayı isə bu göstəricidən 1,7% az olub, deyə Dövlətstatkomda Turan-a bildiriblər.

DSK-ya görə, avtobusla sərnişin daşımalarının 72,5%-i lisenziyalı fiziki şəxslərin payına düşür. Ötən il özəl və dövlət hüquqi şəxslərin gəlirləri 94,9 mln manat olub. Avtobus şirkətlərinin kassa mədaxili 30% artıb.

2013-cü ildə avtobusla sərnişin daşımaları şirkətlərinin balans mənfəəti 179 mln manat və ya ötən ilkindən 4% çox olub.

Daxili İşlər Nazirliyinin məlumatına görə, Azərbaycanda sərnişin daşımaları 9229 avtobusla həyata keçirilir.

Vergilər Nazirliyi və daşıyıcıların məlumatına görə, ən iri şəhər, şəhərlərarası və beynəlxalq sərnişin daşımaları şirkətləri  “Bakı Sərnişin Nəqliyyatı” (900 işçi),  “Transqeyt” (1359), “M-Trans” (353). “Gəmiqaya-Nəqliyyat” (318),  “Uğurlu Nəqliyyat” (260), “Dizayn-Nəqliyyat” (127), “BM-Nəqliyyat” (93), “Bayram-M” (78) və s-dir.

DSK-nın hesablamasına görə, 2013-cü ildə Azərbaycanda avtobus nəqliyyatı ilə 1 478,8 mln sərnişin daşınıb.

2008-ci ildə Nəqliyyat Nazirliyi dövlət büdcəsi hesabına bir neçə yüz avtobus alaraq “Bakı Sərnişin Nəqliyyatı” MMC-yə (Nəqliyyat Nazirliyinin strukturu) verib. Ötən ildən onlar özəlləşdirilir.

Bu il Bakı ŞİH yanında alternativ nəqliyyat şirkəti yaradılıb. Bu struktur üçün ilk partiya avtobuslar (150 ədəd) Fransadan Azərbaycana gətirilib. 08B