Avtomobil parkı 8,5% artıb

1 yanvar 2014-cü il üçün Azərbaycanda 1 232 678 nəqliyyat vasitəsi qeydiyyata alınıb. Bu, ötən ilin əvvəəlindəkindən 96 742 ədəd və ya 8,5% çoxdur, deyə Dövlətstatkomda Turan-a bildiriblər.

Avtomobil parkında minik avtomobillərinin xüsusi çəkisi 85%-dir. İl ərzində onların sayı 90,2 min arataraq 1 mln 48,8 min ədədə çatıb.

Avtomobillərin 60%-i (736,5 min) Bakıda cəmləşib.

Avtomobillərin sayı         Cəmi        O cümlədən Bakıda
Minik                        1 048 806            643 155
Yük                            133 637            60 098
Avtobus                        30 334            18 795
Xüusi texnika                13 427            9 335
 

Dövlətstatkomda qeyd ediblər ki, avtomobillərin markalar üzrə bölünməsi yay üçün hazır olacaq. 1 yanvar 2013-cü il üçün ən tez inkişaf edən marka Mercedes-dir. 2012-ci ildə ölkəyə 23,7 min yeni və işlənmiş Mercedes gətirilib. 2008-2012-ci illərdə Mercedes avtomobillərinin sayı 61,4 min artıb.

Koreya avtomobillərini xalq avtomobili adlandırmaq olar. 2008-ci ildə Hyundai və KIA sayı 19,5 min və 4,9 min, 2013-cü ilin əvvəli üçün 44,4 min və 19,3 min olub.

Bahalı avtomobillər də artır. 2011-ci ildə Lexus sayı 5 002 olub, növbəti ildə buraya 1 069 nəfər əlavə olunub. Beş ildə bu markanın sayı 3,7 dəfə artıb.

VAZ modelləri isə tədricən azalır. 2011-ci ildə 395,6 VAZ markalı avtomobil vardısa, 2012-ci ildə bu göstərici 391,8 min olub. Yol-nəqliyyat hadisələri bunda xüsusi rol oynayır.

2012-ci ildə 5 alman avtomobilinin sayı (BMW, Opel, Mercedes, Wolkswagen və Audi) 180,6 mindən 218 min ədədə artıb. 08B