Mayın 15-də Bakıda 3 illik fasilədən sonra 8-ci Bakı Beynəlxalq “Motor Şou” BIMS 2014 sərgisi start götürəcək. Sərgidə 14 ölkədən 85 şirkət təmsil olunur.
Bu gün sərginin təşkilatçıları (Iteca Caspian LLC və ITE Group PLC) bununla bağlı mətbuat konfransı keçirib. Iteca Caspian-ın icraçı direktoru Fərid Məmmədov bildirib ki, sərgidə Almaniya, Çin, Polşa, Rusiya, Türkiyə və s. ölkələrlı yanaşı Azərbaycan şirkətləri də iştirak edir. Onlar xarici avtomobil (Toyota, Lexus, Suzuki, Volvo), motosikl (Aprilia, Suzuki, Harley Davidson, Vespa, Bike-Lift, Yamaha və s), ehtiyat hissələri istehsalçılarını təmsil edir. Azərbaycan Avtomobil Federasiyası layihəyə dəstək verir.
BIMS 2014 sərgisində kommersiya nəqliyyatı sektoru da təmsil olunur. Kommersiya sektorunda “GAZ”, “HOVO”, “ISUZU”, “MANN”, “Mitsubishi Fuso Canter” şirkətlərinin istehsalı olan traktorlar, özüboşaldan yük maşınları və müxtəlif növ məhsulların daşınması üçün yarım-qoşqular nümayiş etdirir.
Mayın 16-da isə Bakı Ekspo Mərkəzində «Bahсo Avtomobil alətləri» seminarı keçiriləcək, Lexus (Lexus RX Hybrid, Lexus GS Hybrid) hibrid modeli təqdim ediləcək.
Sərgi günlərində (15-17 may) Toyota, Lexus, Harley Davidson Fat Bob, Vespa, Great Wall, Harley Davidson Sportster SuperLow avtomobillərində test sürüş keçiriləcək, deyə sərginin meneceri Elnur Rzazadə bildirib.
Bu günlərdə 1-ci Xəzər Beynəlxalq «Katerlər və Yaxtalar» CIBS 2014 sərgisi keçiriləcək. Sərgidə 14 ölkədən (Azərbaycan, Avstriya, Böyük Britaniya, Yunanıstan, İtaliya, Kanada, Niderland Krallığı, Rusiya, ABŞ, Türkiyə, Ukrayna, Fransa, İsveçrə və Yaponiya) 44 şirkət su-motor texnikası məhsullarını və onları müşayiət edən malları təqdim edəcək. Təşkilatçılar sürpriz hazırlayıb: Buzovnada hidrosikllər və hava ilə doldurulan qayıqlar sınaqdan keçiriləcək. 08C
İqtisadiyyat
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
Rəy yaz