![ARDNŞ mayın sonunda Türkiyədə STAR NEZ tikintisi layihəsinin maliyyələşməsini başa çatdıracaq](https://turan.az/resized/media/2014/main/051400078559-750-500-resize.webp)
ARDNŞ mayın sonunda Türkiyədə STAR NEZ tikintisi layihəsinin maliyyələşməsini başa çatdıracaq
ARDNŞ mayın sonunda Türkiyədə STAR NEZ tikintisi layihəsinin maliyyələşməsinin bağlanması mərasimini planlaşdırır.
Bu barədə ARDNŞ prezidenti R.Abdullayev jurnalistlərə bildirib.
Onun sözlərinə görə, Türkiyənin Garanti Bankasi da layihənin maliyyələşməsində iştirak edəcək.
Əvvəllər məlumat verildiyi kimi, ARDNŞ 16 xarici kommersiya bankından $3,5 mlrd maliyyə cəlb edə bilib. Layihənin qiyməti $5,5 mlrd-dır. Vəsaitin $3 mlrd-ı 5 ölkənin (İspaniya, İtaliya, Yaponiya, ABŞ və Cənubi Koreya) 15 bankından 18 illiyə cəlb edilir. Garanti Bankasi 15 illiyə $500 mln ayıracaq.
Garanti Bankasi ilə müqavilə çərçivəsində Star Rafineri NEZ-in bütün əməliyyatları 15 il ərzində bu bank vasitəsi ilə olacaq. İlkin hesablamalara görə, bu dövrdə Star NEZ-ə nağd vəsait axını $200 mlrd təşkil edəcək.
SOCAR Turkey Enerji 25 oktyabr 2011-ci ildə İzmirdə STAR NEZ-in təməlini qoyub. Baş podratçı Tecnicas Reunidas SA, Saipem SpA, GS Engineering & Construction Corp və Itochu alyansıdır. Onlarla 2013-cü ilin mayında EPC saziş (Engineering, procurement and construction) bağlanıb.
Azərbaycan prezidentinin sərəncamı ilə $1,9 mlrd nizamnam kapitalı olan "SOCAR Turkey Yatirim" SC yaradılıb. Dövlətin payını (40% - $760 mln) ARDNF maliyyələşdirəcək. Bunun üçün artıq Fonddan $475 mln ayrılıb.
NEZ-in gücü ildə 10 mln ton neft olacaq. Zavodda Azeri Light, Kərkuk və Urals nefti emal ediləcək.
Zavodun tikintisi Petkim neft-kimya kompleksini xammalla təmin etməyə və ARDNŞ-nin öz məhsulu ilə Aralıq dənizi bazarına çıxmasını təmin edəcək.
SOCAR Turkey Enerji şirkəti Star NEZ-in səhmlərinə tam nəzarət edir. –0--
-
- İqtisadiyyat
- 14 May 2014 16:24
-
- Siyasət
- 14 May 2014 16:29
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz