Prezident İlham Əliyev iyulun 20-də sərəncam imzalayıb. Sənədə əsasən, “Avtomobil yolları” Məqsədli Büdcə Fondunun idarə edilməsi “Azəravtoyol” ASC-yə həvalə edilib.
2015-ci ildə magistral avtomobil yolları, körpülər və yol qurğuları “Azəravtoyol” ASC-nin balansına verilib, ASC özü isə Nəqliyyat Nazirliyinin strukturundan çıxarılıb. Ona görə yolların tikinti və təmirinin maliyyələşməsi dövlət büdcəsindən Nəqliyyat Nazirliyinin yox, “Azəravtoyol” vasitəsilə həyata keçirilib. “Avtomobil yolları” Məqsədli Büdcə Fondunun yaradılması haqqında” Azərbaycan Respublikası Prezidentinin Sərəncamında dəyişiklik edilməsi haqqında son qərar bu prosesi tamamlayır.
2016-cı ildə “Avtomobil yolları” Məqsədli Büdcə Fondunun büdcəsi 261 mln manat səviyyəsində təsdiq edilib. Fondun vəsaitləri əsasən avtomobil yollarının saxlanmasına xərclənir.
2015-ci ildə Fondun büdcəsi 290 mln manat, 2014-cü ildə 214 mln manat səviyyəsində təsdiq edilib. -08D-
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz