АХА MBASK AVSMMİS üzrə sığortanı artırır

АХА MBASK sığorta şirkəti ötən il 17 mln 305,47 min manat sığorta haqqı yığıb. Ötən il bu göstərici 17 mln 697,58 min manat idi. 

Daha çox mükafat yenə avtonəqliyyat vasitələri sahiblərinin mülki məsuliyyətinin icbari sığortası (AVSMMİS) üzrədir. Bu növ üzrə 7 mln 709,28 min manat toplanıb. Avtomobillərin КАСКО sığortası üzrə 4 mln 202,32 min manat (bu iki növ üzrə mükafatların 68,8%-i yığılıb) toplanıb. 

Könüllü növlər üzrə 9 mln 288,31 min manat mədaxil olub. Qalan növlər üzrə yığım belə olub: əmlakın yanğından və başqa risklərdən sığortası 1 mln 958,01 min manat, könüllü tibbi sığorta 1 mln 601,52 min manat (2 dəfə artım), bədbəxt hadisə və xəstəliklərdən sığorta 354,29 min manat, xaricə səyahət sığortası 103,4 min manat. 

Yük sığorta üzrə 474,83 min manat, ümumi mülki məsuliyyətin sığortası üzrə 371,23 min manat, avtonəqliyyat vasitələri sahiblərinin mülki məsuliyyətinin sığortası üzrə 83,62 min manat, işə götürənlərin məsuliyyətinin sığortası üzrə 46,93 min manat toplanıb. 

İcbari mükafatlar 8 mln 17,16 min manat (ötən il 6,87 mln) olub. O cümlədən mənzil sığortası üzrə 291,07, daşınmaz əmlak sahiblərinin mülki məsuliyyətinin icbari sığortası üzrə 16,81 min mükafat toplanıb. Sərnişin sığortası üzrə yığım olmayıb, ötən il 2,86 min manat mükafat vardı. 

Daha çox ödəniş (cəmi 8,23 mln manat, əvvəlki ildəkindən 2,4 mln çox) avtonasazlıq üzrədir – 3,71 mln manat. AVSMMİS üzrə 2,36 mln manat, KTS üzrə 1,29 mln manat, maliyyə dələduzluğu üzrə 518,02 min manat toplanıb. Bütün növlərdə ödənişlər artıb. 

AXA MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir. Ödənilmiş nizamnamə fondu 8,74 mln manatdır. "MBASK"ın ölkədə 5 filial və təmsilçiliyi var.  2010-cu ilin oktyabrında MBASK əsas səhmdarını dəyişib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb. --17D—