AXA MBASK sığorta agentliklərinin ənənəvi forumunu keçirib

  AXA MBASK sığorta şirkəti   Ayan Palace Hotel-də (Tovuz) sığorta agentliklərinin “Güclü və dayanılı agentlik” adlı illik beşinci forumunu keçirib. Üçgünlük tədbirdə AXA MBASK ilə əməkdaşlıq edən sığorta agentliklərinin rəhbərləri və sığorta agentləri iştirak ediblər. Bu barədə maliyyə qurumunun məlumatında bildirilir.

Forum zamanı xaricdən xüsusi dəvət edilmiş sığorta agentləri satış məsələləri ilə bağlı geniş treninqlər keçiriblər. Həmçinin ötən ilin yekunları, satış agentlərinin   gələcək inkişafı planları, agentliklərin genişləndirilməsi strategiyası və sığortanın könüllü və məcburi növlərinin satışının artırılması, eləcə də əməliyyat proseslərinin təkmilləşdirilməsi üzrə təkliflər və layihələr müzakirə edilib.

Rəsmi hissədən sonra forum iştirakçıları onların şərəfinə təşkil edilən şam yeməyinə dəvət olunublar, onlara xatirə əşyaları, hədiyyələr  təqdim edilib.

Qeyd etmək lazımdır ki, sığorta agentliklərinin forumu Azərbaycanda keçirilən ilk belə tədbirdir. Bu tədbirlər göstərdi ki, AXA MBASK sığorta şirkəti və onun sığorta agentlikləri Azərbaycan bazarında daha dinamik inkişaf edə, strateji üstünlük əldə olunmasına doğru hərəkət edə bilər və sığorta bazarında əvəzsiz tərəfdaşa çevrilə bilər.

Agentlər müştərilərlə sıx çalışaraq, onlara konsaltinq xidmətləri göstərərək hazırki sığorta məhsulları müxtəlifliyi arasında seçim etməkdə yardım göstərir, sığorta agentlikləri şəbəkəsinin inkişafı isə Azərbaycanda ümumi      sığorta bazarının inkişafına xidmət edir.

Xatırladaq ki, sığorta bazarının liderlərindən olan AXA MBASK  2010-cu ildən şirkətin müvafiq biznes proseslərinə beynəlxalq  АХА Group standartlarını tətbiq etməyə başlayıb.

Belə ki, sığorta agentlikləri şəbəkəsi vasitəsilə satışın inkişaf planını həyata keçirməklə qısa müddətdə Azərbaycanda fiziki və hüquqi şəxslərlə, eləcə də maliyyə-kredit müəssisələri ilə  işə yönələn 80-ə yaxın sığorta polisi satış məntəqəsi açılıb.

Avropa keyfiyyətli servis, ödənişlərin vaxtında və tam həyata keçirilməsi şirkətin qısa müddətdə  “İlin sığorta şirkəti” kimi 8 beynəlxalq  və milli mükafat əldə etməsi ilə nəticələnib.--17D—